Yuvraj singh children: టీమ్ఇండియా మాజీ క్రికెటర్ యువరాజ్ సింగ్-హేజల్‌ కీచ్‌ దంపతులు తమ అభిమానులకు గుడ్‌న్యూస్‌ చెప్పారు. పండంటి మగ బిడ్డకు జన్మనిచ్చినట్లు వారు సామాజిక మాధ్యమాల్లో ప్రకటించారు.
"మాకు పండంటి మగబిడ్డ జన్మించాడు. అభిమానులు, కుటుంబ సభ్యులు, స్నేహితులతో ఈ విషయాన్ని పంచుకోవడం చాలా సంతోషంగా ఉంది. దేవుడికి కృతజ్ఞతలు. ఈ సందర్భంగా మా గోప్యతకు ఎలాంటి భంగం కలిగించకూడదని కోరుకుంటున్నాం" అని యువరాజ్ ట్వీట్‌ చేశారు. ఇదే పోస్టును హెజల్‌ కీచ్‌ ఇన్‌స్టాగ్రామ్‌లో పోస్టు చేశారు.
బ్రిటిష్‌-మారిషియస్‌ నటి, మోడల్‌ అయిన హేజల్‌ కీచ్‌ను 2016లో యువరాజ్ సింగ్ వివాహమాడారు. ఇటీవలే వీరు తమ ఐదో వివాహ వార్షికోత్సవాన్ని జరుపుకొన్నారు.