ఆస్పత్రిల్లో 1000 పడకలు.. యూవీ ఫౌండేషన్​ ఏర్పాటు

కొవిడ్​-19 రోగుల కోసం దేశవ్యాప్తంగా 1000 పడకలను ఏర్పాటు చేయనున్నట్లు మాజీ క్రికెటర్​ యువరాజ్​ ఫౌండేషన్​ యూవీకెన్​ ప్రకటించింది. వీటితో పాటు ఆక్సిజన్ బెడ్లు, వెంటిలేటర్లు సమకూర్చనున్నట్లు తెలిపింది.

కరోనా రోగుల అత్యవసర చికిత్స కోసం దేశవ్యాప్తంగా ఉన్న ఆస్పత్రుల్లో 1000 పడకలను ఏర్పాటు చేయనున్నట్లు యువరాజ్​ సింగ్​ ఫౌండేషన్​ యూవీకెన్​ ప్రకటించింది. ఆక్సిజన్​ బెడ్స్​, వెంటిలేటర్లు, ఇతర ముఖ్యమైన వైద్య పరికరాలు సమకూర్చడం ద్వారా.. ప్రభుత్వ, ఛారిటబుల్​ హాస్పిటల్స్​ సామర్థ్యాన్ని పెంచాలన్నది ఫౌండేషన్​ ఉద్దేశమని తెలిపింది.

కరోనా రెండో దశలో ఆక్సిజన్​, ఐసీయూ బెడ్లు దొరక్క ప్రజలు పడ్డ ఇబ్బందులు చూశాక మన ఆరోగ్య వ్యవస్థకు మద్దతివ్వాలని భావించినట్లు యువరాజ్​ చెప్పాడు. యూవీకెన్​ ఫౌండేషన్​ ఇప్పటికే కొన్ని రాష్ట్రాల్లో పడకలు ఏర్పాటు చేయడం మొదలుపెట్టింది.

ఇదీ చూడండి:టీ20 ప్రపంచకప్: బీసీసీఐకి ఐసీసీ డెడ్​లైన్​!