Yuvraj Singh bat goes to space: టీమ్ఇండియా మాజీ ఆల్రౌండర్ యువరాజ్ సింగ్ మరో అరుదైన ఘనత సాధించాడు. అతడు తొలిసారి సెంచరీ చేసిన బ్యాట్ అంతరిక్షంలోకి వెళ్లింది. ఆసియాకు చెందిన ఓ ఎన్ఎఫ్టీ మార్కెట్ కలెక్షన్ సంస్థ ఈ బ్యాట్ను పంపించింది. దీనికి సంబంధించిన వీడియోను సదరు సంస్థ షేర్ చేసింది. స్పేస్లోకి వెళ్లిన తొలి బ్యాట్ ఇదే కావడం విశేషం.
ఈ విషయమై యూవీ మాట్లాడుతూ.. "నా బ్యాట్ అంతరిక్ష ప్రయాణం చేయడం చాలా థ్రిల్లింగ్గా ఉంది. ఈ ప్లాట్ఫాంలో చేరడం వల్ల నా అభిమానులతో అనుబంధం మరింత పెరుగుతుంది. ఈ బ్యాట్తోనే నేను తొలి శతకం బాదాను" అని అన్నాడు.