సోషల్ మీడియా, ఇంటర్నెట్‌.. విస్తృతంగా అందుబాటులోకి వచ్చాక ఒక జాఢ్యం పెరిగిపోయింది! మంచేదో, చెడేదో ఆలోచించకుండా.. యుక్తాయుక్త విచక్షణ లేకుండా ప్రతి దానికీ ట్రోలింగ్‌ చేసేస్తున్నారు. టీమ్‌ఇండియా క్రికెటర్ హనుమ విహారి తనపై చేసే ట్రోలింగ్‌కు చాలాదూరం ఉంటాడు. కానీ తాజాగా ఓ వ్యక్తి చేసిన విమర్శకు సూటిగా దిమ్మదిరిగే సమాధానం ఇచ్చాడు.
ప్రస్తుతం హనుమ విహారి ఇంగ్లాండ్‌లో ఉన్నాడు. కౌంటీ క్రికెట్‌ ఆడుతున్నాడు. అయితే భారత్‌లో కరోనాకు సంబంధించిన సమాచారాన్ని ఎప్పటికప్పుడు తెలుసుకుంటున్నాడు. ఇబ్బందుల్లో ఉన్నవారిని ఆదుకొనేందుకు సోషల్ మీడియా వేదికగా విరాళాల సేకరణ చేపట్టాడు.