Yash Dhull Ranzi Trophy: అండర్-19 ప్రపంచకప్ను భారత్కు అందించిన కెప్టెన్ యష్ ధుల్ రంజీ ట్రోఫీలో ఆడేందుకు సిద్ధమయ్యాడు. అతడు దిల్లీ జట్టుకు ప్రాతినిధ్యం వహించనున్నాడు. తాజాగా దిల్లీ టీమ్ తమ జట్టు కోసం ఎంపిక చేసిన ఆటగాళ్ల పేర్లను ప్రకటించింది. వీరిలో యష్ పేరు ఉంది. ఈ జట్టుకు ప్రదీప్ సంగ్వాన్ కెప్టెన్గా వ్యవహరించనున్నాడు.
యష్.. ఫిబ్రవరి 10న గౌహతికి చేరుకుంటాడు. అక్కడే 5రోజుల పాటు క్వారంటైన్లో ఉండనున్నాడు. అనంతరం జట్టుతో కలవనున్నాడు. కాగా, ఈ జట్టుకు ప్రాతినిధ్యం వహిస్తున్నఇషాంత్ శర్మ.. ఈ సీజన్ నుంచి తప్పుకున్నాడు.
"యష్కు ఆత్మవిశ్వాసం చాలా ఎక్కువ. అతడు ఎర్ర బంతి మ్యాచులు ఎక్కువగా ఆడనప్పటికీ ఫస్ట్క్లాస్ క్రికెట్లో అద్భుతంగా రాణిస్తాడని ఆశిస్తున్నాం" అని ఓ డీడీసీఏ సెలక్టర్ అన్నారు.