WTC Prize Money : వరల్డ్టెస్ట్ ఛాంపియన్షిప్ 2021-23 టోర్నీకి ప్రైజ్ మనీ వివరాలను అంతర్జాతీయ క్రికెట్ కౌన్సిల్ (ఐసీసీ) శుక్రవారం ప్రకటించింది. ఈ సీజన్కు సంబంధించి విజేతతో సహా మిగిలిన ఎనిమిది జట్లకు కలిపి ప్రైజ్ మనీని 3.8 మిలియన్ డాలర్లు (సుమారు రూ.31 కోట్లు)గా నిర్ణయించింది. ఇంతకుముందు జరిగిన 2019-21 టోర్నీలో కూడా 3.8 మిలియన్ డాలర్లను ప్రైజ్ మనీ అందించింది. వరల్డ్ టెస్ట్ ఛాంపియన్షిప్ ఫైనల్ విజేత 1.6 మిలియన్ డాలర్లు (సుమారు రూ.13 కోట్లు), రన్నరప్గా నిలిచిన జట్టుకు 8 లక్షల డాలర్లు (సుమారు రూ.6.4 కోట్లు) బహుమతిగా అందించనుంది.
WTC Final 2023 : డబ్ల్యూటీసీ ప్రైజ్ మనీ ప్రకటించిన ఐసీసీ.. గెలిస్తే అన్ని కోట్లా?
WTC Prize Money : వరల్డ్ టెస్ట్ ఛాంపియన్షిప్ 2021-23కు సంబంధించి ప్రైజ్ మనీ వివరాలను ఐసీసీ శుక్రవారం ప్రకటించింది. మరి ఏ టీమ్కు ఎంత దక్కనుందంటే..
వరల్డ్టెస్ట్ ఛాంపియన్షిప్ ప్రైజ్ మనీ
డబ్ల్యూటీసీ విజేతతో పాటు టోర్నీలో పాల్గొన్న ఆయా జట్లకు వాటి స్థానాలను బట్టి అందనున్న ప్రైజ్మనీ.
| స్థానం | జట్టు | ప్రైజ్ మనీ (రూ. సుమారు కోట్లు/లక్షల్లో) |
| విజేత | భారత్/ఆస్ట్రేలియా | 16 లక్షల డాలర్లు (రూ.13 కోట్లు) |
| రెండో స్థానం | భారత్/ఆస్ట్రేలియా | 8 లక్షల డాలర్లు (రూ.6.4 కోట్లు) |
| మూడో స్థానం | దక్షిణాఫ్రికా | 4.5 లక్షల డాలర్లు (రూ.3.6 కోట్లు ) |
| నాలుగో స్థానం | ఇంగ్లాండ్ | 3.5 లక్షల డాలర్లు (రూ.2.8 కోట్లు) |
| ఐదో స్థానం | శ్రీలంక | 2 లక్షల డాలర్లు (రూ.1.6 కోట్లు) |
| ఆరో స్థానం | న్యూజిలాండ్ | లక్ష డాలర్లు (రూ.82 లక్షలు) |
| ఏడో స్థానం | పాకిస్థాన్ | లక్ష డాలర్లు (రూ.82 లక్షలు) |
| ఎనిమిదో స్థానం | వెస్టిండీస్ | లక్ష డాలర్లు (రూ.82 లక్షలు) |
| తొమ్మిదో స్థానం | బంగ్లాదేశ్ | లక్ష డాలర్లు (రూ.82 లక్షలు) |
జూన్ 7-11 తేదీల్లో భారత్ - ఆస్ట్రేలియా మధ్య ఓవల్ మైదానంలో డబ్ల్యూటీసీ ఫైనల్ జరగనుంది. ఐపీఎల్ ముగించుకున్న టీమ్ఇండియా ఆటగాళ్లు ఇప్పటికే ఇంగ్లాడ్ చేరుకుని.. ప్రాక్టీస్ మొదలు పెట్టేశారు. ఈ విషయాన్ని తెలియజేస్తూ బీసీసీఐ తమ అధికారిక ట్విట్టర్ ఖాతాలో ఓ వీడియోను పోస్ట్ చేసింది. ఈ వీడియోలో టీమ్ఇండియా ఆటగాళ్లు కొత్త కిట్ స్పాన్సర్ 'అడిడాస్' స్పోర్ట్స్ వేర్లో కనిపించారు.
కాగా మొదటి డబ్ల్యూటీసీ 2019-21 ఫైనల్లో న్యూజిలాండ్ చేతిలో ఓడిన టీమ్ఇండియా ఈసారి ఎలాగైన టైటిల్ గెలవాలన్న కసితో బరిలో దిగనుంది. ఇక ఐపీఎల్ 2023 ఫైనల్ ముగిసిన అనంతరం పూర్తి టీమ్ఇండియా జట్టు ప్రాక్టీస్కు అందుబాటులో ఉండనుంది.
Last Updated : May 26, 2023, 5:55 PM IST