ప్రతిష్ఠాత్మక ప్రపంచ టెస్టు ఛాంపియన్షిప్ ఫైనల్ (WTC Final)కు మరో మూడు రోజుల సమయం మాత్రమే ఉంది. ఇప్పటికే ఇంట్రా స్క్వాడ్ మ్యాచ్తో ప్రాక్టీస్ను కూడగట్టుకున్న టీమ్ఇండియా ఆటగాళ్లు.. నెట్స్లోనూ తీవ్రంగా శ్రమిస్తున్నారు. అందుకు సంబంధించిన ఓ వీడియోను భారత క్రికెట్ నియంత్రణ మండలి(BCCI) ట్విట్టర్లో షేర్ చేసింది.
ఈ వీడియోలో కెప్టెన్ కోహ్లీ(Virat Kohli)తో పాటు యువ వికెట్ కీపర్ రిషభ్ పంత్, అజింక్యా రహానె బ్యాటింగ్ చేస్తుండగా.. ఇషాంత్, షమీ బంతులేస్తున్నారు. కోహ్లీ చూడముచ్చటైన కవర్డ్రైవ్లతో పాటు పుల్ షాట్స్ కొడుతున్న దృశ్యాలు అందులో చూడవచ్చు. యువ బ్యాట్స్మన్ రిషభ్ తనదైన శైలిలో నెట్స్లో షాట్లు ఆడుతున్నాడు. జడేజా బౌలింగ్లో ఓ అద్భుతమైన సిక్స్ కొట్టాడు. ఇషాంత్ వేసిన ఓ బంతికి మిడిల్ స్టంప్ ఎగిరిపోయింది. వైస్ కెప్టెన్ రహానె.. ఇషాంత్తో పాటు షమీ బౌలింగ్ను ఎదుర్కోవడం కనిపించింది.
ఇదీ చదవండి:IND Vs SL: కోచ్గా ద్రవిడ్.. దాదా క్లారిటీ