సౌథాంప్టన్ వేదికగా భారత్తో జరుగుతోన్న డబ్ల్యూటీసీ ఫైనల్ మ్యాచ్లో న్యూజిలాండ్ 249పరుగులకు ఆలౌట్ అయ్యింది. కేన్(49) పరుగులు చేయగా.. చివర్లో సౌథీ(30) స్వేచ్ఛగా ఆడటం వల్ల విలువైన 32 పరుగుల ఆధిక్యాన్ని సంపాదించింది కేన్సేన. భారత బౌలర్లలో మహమ్మద్ షమి 4, ఇషాంత్ 3, అశ్విన్ 2, జడేజా ఒక వికెట్ తీసుకున్నారు. కేన్ సేన ఆలౌట్ అయిన అనంతరం టీ విరామం తీసుకున్నారు ఇరుజట్ల ఆటగాళ్లు.
గేర్ ఛేంజ్..
135/5తో భోజన విరామానికి వెళ్లిన కేన్ సేన.. తర్వాత పరుగులు చేయడానికి ప్రాముఖ్యత ఇచ్చింది. వేగంగా పరుగులు రాబట్టేందుకు ప్రయత్నించిన గ్రాండ్ హోమ్ను షమి ఎల్బీగా పెవిలియన్ పంపాడు. ఆ తర్వాత.. ఓ ఎండ్లో కేన్ బంతిని డిఫెన్స్ చేస్తుండగా మరో ఎండ్లో ఉన్న బ్యాట్స్మన్ పరుగులు చేస్తూ వెళ్లారు. గ్రాండ్హోమ్ తర్వాత క్రీజులోకి వచ్చిన జేమీసన్(21) ధాటిగా ఆడాడు. అతన్ని కూడా షమినే వెనక్కి పంపాడు. అనంతరం క్రీజులోకి వచ్చిన సౌథీ.. విలియమ్సన్కు మంచిగా సహకరించాడు. ఈ క్రమంలోనే భారత్ స్కోరును దాటేసింది కివీస్. హాఫ్ సెంచరీకి ఒక్క పరుగు దూరంలో కెప్టెన్ విలియమ్సన్(177 బంతుల్లో 49 పరుగులు) స్లిప్లో దొరికిపోయాడు. తర్వాత వచ్చిన వాగ్నర్ను అశ్విన్ ఔట్ చేశాడు.