టీమ్ఇండియా యువ వికెట్ కీపర్, బ్యాట్స్‌మన్‌ రిషభ్ పంత్(Rishabh Pant) మరింత మెరుగయ్యాడని మాజీ క్రికెటర్ కిరణ్ మోరె(Kiran More) అన్నారు. ఇంగ్లాండ్ పర్యటనలో భారత జట్టుకు అతడు మళ్లీ కీలకమవుతాడని పేర్కొన్నారు. బ్యాటింగే కాకుండా కీపింగ్‌లోనూ పరిణతి కనబరుస్తున్నాడని ప్రశంసించారు.
"ఇంగ్లాండ్ సిరీస్, ప్రపంచ టెస్టు ఛాంపియన్‌షిప్‌ ఫైనల్లో రిషభ్ పంత్ మరోసారి కీలకమవుతాడు. ప్రస్తుతం అతడు అత్యుత్తమ ఫామ్లో ఉన్నాడు. ఎప్పుడైనా, ఏ స్థానంలోనైనా ఆటను మలుపు తిప్పగలనన్న ఆత్మవిశ్వాసం అతడిలో కనిపిస్తోంది. వికెట్ల వెనకాల సైతం పంత్ అతడనిప్పుడు చక్కగా కుదురుకున్నట్టు అనిపిస్తోంది. పంత్ ఇంగ్లాండ్‌లో పర్యటించడం ఇది రెండోసారి. 2019 వన్డే ప్రపంచకప్‌ను పరిగణనలోకి తీసుకుంటే మాత్రం మూడోది. అక్కడి పరిస్థితులు అతడికి బాగా తెలుసు. ఇంగ్లాండ్‌లో అతడు టెస్టు శతకం నమోదు చేశాడు. గ్లోవ్స్‌తోనూ అతడు మాయాజాలం చేయగలడు"