WTC Final: మూడో రోజు ఆట​ ఆలస్యం

ఇండియా-కివీస్ మధ్య జరుగుతోన్న డబ్ల్యూటీసీ ఫైనల్​కు వర్షం అడ్డంకిగా మారింది. వర్షం వల్ల ఔట్​ఫీల్డ్​ తడిగా మారింది. దీంతో మ్యాచ్​ ఆలస్యంగా ప్రారంభం కానుంది.

సౌథాంప్టన్​ వేదికగా టీమ్ఇండియా-న్యూజిలాండ్ మధ్య జరుగుతోన్న ప్రపంచ టెస్ట్​ ఛాంపియన్​షిప్​ ఫైనల్​కు వరుణుడు అడ్డు తగులుతూనే ఉన్నాడు. మూడో రోజు ఆట కూడా ఆలస్యమైంది. సౌథాంప్టన్​లో వర్షం కురిసింది. ఈ కారణంగా ఔట్​ఫీల్డ్​ తడిగా మారింది. దీంతో మ్యాచ్​ సమయానికి ప్రారంభం కాలేదు.

భారత కాలమానం ప్రకారం మధ్యాహ్నం 3.30కి మ్యాచ్​ ప్రారంభం కానుంది.

ఇప్పటికే తొలి రోజు ఆట వర్షం వల్ల తుడిచిపెట్టుకుపోయింది. ఇక రెండో రోజు ఆట కూడా వెలుతురులేమీ కారణంగా నిర్ణీత సమయం కంటే ముందుగానే ముగిసింది.