WTC 2023-25 India Schedule : వరుసగా రెండోసారి ప్రపంచ టెస్టు ఛాంపియన్‌షిప్‌ ఫైనల్‌కు దూసుకెళ్లిన టీమ్‌ఇండియా.. ఆస్ట్రేలియా చేతిలో ఓటమి మూటగట్టుకుంది. లండన్‌లోని ఓవల్ మైదానంలో జరిగిన డబ్ల్యూటీసీ ఫైనల్లో ఆస్ట్రేలియా చేతిలో ఘోరంగా ఓటమిపాలైంది. అయితే మరికొన్ని రోజుల్లోనే భారత క్రికెట్ జట్టు.. డబ్ల్యూటీసీ 2023-25 చక్రాన్ని ప్రారంభించనుంది.
WTC 2023-25 Cycle Team India : వచ్చే ప్రపంచ టెస్టు ఛాంపియన్‌షిప్‌లో టీమ్‌ఇండియా మ్యాచ్‌లకు సంబంధించిన షెడ్యూల్ విడుదలైంది. ఈ జులైలో సిరీస్‌తోభారత్ డబ్ల్యూటీసీ 2023-25 మ్యాచ్‌లు మొదలవుతాయి. ఈ సారి టీమ్‌ఇండియా మొత్తం 19 టెస్టులు ఆడనుంది. స్వదేశంలో ఇంగ్లాండ్‌తో ఐదు, బంగ్లాదేశ్‌తో రెండు, న్యూజిలాండ్‌తో మూడు టెస్టులు ఆడనుంది. భారత్ వెలుపల విండీస్‌తో రెండు, దక్షిణాఫ్రికాతో రెండు, ఆస్ట్రేలియాతో ఐదు టెస్టులు ఆడనుంది.
టీమ్‌ఇండియా డబ్ల్యూటీసీ 2023-25 షెడ్యూల్
- విండీస్‌లో భారత్ పర్యటన
- జులై 12-16 తొలి టెస్టు (డొమినికా)
- జులై 20-24 రెండో టెస్టు (ట్రినిడాడ్)
- సౌతాఫ్రికాలో భారత్ పర్యటన 2023-24
- డిసెంబరు 2023- జనవరి 2024.. రెండు టెస్టులు
- భారత్‌లో ఇంగ్లాండ్ పర్యటన
- జనవరి/ఫిబ్రవరి 2024.. ఐదు టెస్టులు
- భారత్‌లో బంగ్లాదేశ్‌ పర్యటన
- సెప్టెంబరు/అక్టోబరు 2024.. రెండు టెస్టులు
- భారత్‌లో న్యూజిలాండ్ పర్యటన
- అక్టోబరు/నవంబరు 2024.. మూడు టెస్టులు
- ఆస్ట్రేలియాలో భారత్ పర్యటన 2024-25 (బోర్డర్-గావస్కర్‌ ట్రోఫీ)
- నవంబర్‌ 2024-జనవరి 2025.. ఐదు టెస్టులు