క్రికెట్ అభిమానులకు బీసీసీఐ శుభవార్త చెప్పింది. మార్చి 8న మహిళా దినోత్సవాన్ని పురస్కరించుకొని.. మహిళల ప్రీమియర్ లీగ్లో మ్యాచ్ను అందరూ ఉచితంగా చూసే అవకాశాన్ని కల్పించింది. ముంబయి వేదికగా బుధవారం జరగబోయే గుజరాత్ జెయింట్స్, రాయల్ ఛాలెంజర్స్ బెంగళూరు మ్యాచ్ను వీక్షించేందుకు అందరికీ ఉచిత ప్రవేశం కల్పిస్తున్నట్లు ప్రకటించింది. ఈ మ్యాచ్ను చూసేందుకు అందరికీ ఉచితంగా టిక్కెట్లు జారీ చేయనున్నట్లు వెల్లడించింది. దీనికి సంబంధించిన టిక్కెట్లను ఇప్పటికే ఆన్లైన్లో ఉంచింది బీసీసీఐ.
క్రికెట్ లవర్స్కు BCCI 'విమెన్స్ డే' ఆఫర్.. ఆ మ్యాచ్కు అందరికీ ఫ్రీ ఎంట్రీ
క్రికెట్ లవర్స్కు బీసీసీఐ బంపర్ ఆఫర్ ప్రకటించింది. మార్చి 8న మహిళా దినోత్సవాన్ని పురస్కరించుకొని మహిళా ప్రీమియర్ లీగ్లో బుధవారం జరగబోయే గుజరాత్ జెయింట్స్, రాయల్ ఛాలెంజర్స్ బెంగళూరు మ్యాచ్కు అందరికి ఉచితంగా ప్రవేశం కల్పిస్తున్నట్లు తెలిపింది.
డబ్ల్యూపీఎల్ 2023 ఉచిత ప్రవేశం
అయితే బుధవారం జరగబోయే మ్యాచ్కు మాత్రమే మహిళలతో పాటు పురుషులను కూడా టిక్కెట్టు లేకుండా మైదానంలోకి అనుమతిస్తామని నిర్వాహకులు తెలిపారు. ఈ విషయాన్ని మార్చి 6న ఇదే స్టేడియంలో జరిగిన ముంబయి ఇండియన్స్ వర్సెస్ ఆర్సీబీ మ్యాచ్లో ఎలక్ట్రానిక్ బోర్డుపై తెలిపింది బీసీసీఐ. ఆ తర్వాత ఈ విషయాన్ని తమ అధికారిక ట్విట్టర్ అకౌంట్ ద్వారా కూడా వెల్లడించింది క్రికెట్ బోర్డు. దేశంలో మహిళా క్రికెట్ను ప్రోత్సహించేందుకు డబ్ల్యూపీఎల్ (విమెన్స్ ప్రీమియర్ లీగ్) మ్యాచ్లన్నింటినీ మహిళలతో పాటు బాలికలందరికి ఉచిత ప్రవేశం కల్పించింది భారత క్రికెట్ బోర్డు.
ఇక మంగళవారం బెంగళూరుతో జరిగిన మ్యాచ్లో 9 వికెట్ల తేడాతో ఘన విజయాన్ని సాధించింది ముంబయి ఇండియన్స్. దీంతో రెండో విజయాన్ని తమ ఖాతాలో వేసుకుంది ముంబయి. ఆర్సీబీ నిర్దేశించిన 156 పరుగుల లక్ష్యాన్ని 34 బంతులు మిగిలి ఉండగాన్నే ఛేదించింది. అయితే ఇప్పటివరకు ముంబయి ఇండియన్స్ ఆడిన రెండు మ్యాచ్లూ గెలవడం విశేషం. ఈ మ్యాచ్లో ముంబయి ప్లేయర్ హేలీ మాథ్యూస్ తన ఆట తీరుతో ఆకట్టుకుంది. ఇటు బౌలింగ్తో పాటు అటు బ్యాటింగ్లోనూ విజృంభించింది. 4 ఓవర్లో 28 పరుగులు ఇచ్చి 3 వికెట్లు పడగొట్టిందీ. ఇక బ్యాటింగ్లో కూడా తనదైన దూకుడుని ప్రదర్శించింది. ఓపెనర్గా దిగిన హేలీ(77 నాటౌట్) 38 బంతుల్లో 13 ఫోర్లు, 1 సిక్స్తో విరుచుకుపడడం వల్ల టార్గెట్ను ముంబయి 14.2 ఓవర్లలో ఒక వికెట్ మాత్రమే కోల్పోయి అలవోకగా ఛేదించింది. ఇక మరో ప్లేయర్ నాట్ సీవర్ బ్రంట్ కూడా 29 బంతుల్లో 9 ఫోర్లు, 1 సిక్స్తో 55 పరుగులు చేసి మెరిసింది. హేలీకి 'ప్లేయర్ ఆఫ్ ద మ్యాచ్' అవార్డు లభించింది. మిగతా ముంబయి బౌలర్లు సైకా ఇషాక్(2/26), అమెలియా కెర్(2/30) కూడా విజృంభించడం వల్ల మొదట టాస్ గెలిచి బ్యాటింగ్ చేసిన బెంగళూరు 18.4 ఓవర్లలో 155 పరుగులకే ఆలౌటైంది.