World Cup 2023 Semi Finals :వన్డే ప్రపంచకప్లో వరుస విజయాలతో భారత జట్టు దుమ్మురేపుతుంది. ఇప్పటి వరకు ఆడిన 8 మ్యాచుల్లో తమ సత్తా చాటిన టీమ్ఇండియా.. రానున్న మ్యాచుల్లోనూ ఇదే జోరును చూపిచేందుకు సిద్ధమౌతోంది. ఇన్ని మ్యాచుల్లో రోహిత్ సేన ముందు ఏ జట్టు కూడా నిలవలేకపోయింది. హాట్ ఫేవరేట్లుగా బరిలోకి దిగిన అన్ని జట్లను టీమ్ఇండియా చిత్తు చేసింది. ఈ క్రమంలో 16 పాయింట్లతో టీమ్ఇండియా అగ్రస్థానంలో నిలిచి.. సెమీస్లోకి అడుగుపెట్టింది.
మరోవైపు భారత్ తన చివరి లీగ్ మ్యాచ్ను నవంబర్ 12న ఆడనుంది. నెదర్లాండ్స్తో జరిగే ఈ మ్యాచ్లో టీమ్ఇండియా ఈజీగా గెలస్తుందన్న ధీమాతో ఉంది. ఈ క్రమంలో రానున్న సెమీస్ మ్యాచులో టీమ్ఇండియా.. న్యూజిలాండ్తో తలపడటం దాదాపు ఖరారైంది. కానీ ఇంగ్లాండ్తో జరగనున్న మ్యాచ్లో పాకిస్థాన్ జట్టు విజయం సాధిస్తే.. అప్పుడు పాక్తో టీమ్ఇండియా తలపడుతుంది. లేదంటే న్యూజిలాండ్ తోనే టీమ్ఇండియా సెమీస్ దాదాపు ఖాయమైనట్లే. అయితే న్యూజిలాండ్తో టీమ్ఇండియా సెమీస్ అంటే కొంచం ప్రమాదం పొంచి ఉందనే చెప్పవచ్చు.
World Cup 2023 Newzealand Squad : 2019 వన్డే ప్రపంచకప్లో న్యూజిలాండ్ చేతిలో టీమ్ఇండియా ఓటమిపాలైంది. అయితే 2023లో తొలుత పేలవ ప్రదర్శన చూపించిన కివీస్ జ్టటు... ఇప్పుడు వేగం పుంజుకుని దూసుకెళ్తోంది. కేన్ విలియమ్సన్ గాయం నుంచి కోలుకోవడం ఆ జట్టుకు అతి పెద్ద బలంగా మారింది. ఇక రచిన్ రవీంద్ర, డేవాన్ కాన్వే, డారిల్ మిచెల్, ట్రెంట్ బోల్ట్, మిచెల్ సాంట్నర్ వంటి ప్లేయర్లు ఆ జట్టుకు మంచి ఇన్నింగ్స్ అందిస్తున్నారు. దీంతో న్యూజిలాండ్ జట్టు బలమైన టీమ్స్లిస్ట్లోకి చేరుకుంది. ఈ క్రమంలో ఇక సెమీస్లో న్యూజిలాండ్ను అంత తేలిగ్గా తీసుకోలేమని విశ్లేషకుల మాట.
లీగు మ్యాచుల్లో ఏదైనా తప్పిదం జరిగినా దానికి మరో ప్రత్యామ్నాయం ఉంది. కానీ నాకౌట్ మ్యాచుల విషయంలో అలా కాదు. ఓడిపోతే ఇక ఇంటి దారి పట్టడమే. దీంతో.. సెమీస్లో టీమ్ఇండియా జాగ్రత్తగా ఆడాల్సి ఉంటుందని టీమ్ఇండియాకు మాజీలు హితువు పలుకుతున్నారు.