World Cup 2023 Final Events: 2023 వరల్డ్కప్ ఫైనల్ మ్యాచ్ను బీసీసీఐ గ్రాండ్గా నిర్వహించేందుకు ప్లాన్ చేస్తోంది. ఈ ముగింపు వేడుకలు అట్టహాసంగా జరగనున్నట్లు తెలుస్తోంది. ఈ క్రమంలో వాయుసేన విన్యాసాలు, సెలబ్రిటీల పెర్ఫార్మెన్స్లు ఉండనున్నట్లు ఇప్పటికే పలు కథనాలు వచ్చాయి. అయితే మునుపెన్నడూ లేని విధంగా అత్యంత ప్రతిష్ఠాత్మకంగా ఫైనల్ మ్యాచ్ జరగనున్నట్లు బీసీసీఐ అధికారికంగా తెలిపింది. ఎప్పుడెప్పుడు ఏయే కార్యక్రమాలు ఉంటాయో ట్విట్టర్ వేదికగా పేర్కొంది.
- మ్యాచ్కు ముందు.. మ్యాచ్ ప్రారంభానికి ముందు మధ్యాహ్నం 1.35 నుంచి 1.50 గంటల మధ్య వాయుసేన విన్యాసాలు జరగనున్నాయి. భారత వైమానిక దళానికి చెందిన సూర్య కిరణ్‌ ఏవియేషన్ బృందం.. ఈ షో నిర్వహించనుంది.
- 1st డ్రింక్స్ బ్రేక్.. గుజరాత్కు చెందిన ప్లేబ్యాక్ సింగర్ ఆదిత్య గాధ్వి.. పెర్ఫార్మెన్స్ ఉండనుంది. పలు గుజరాతీ సినిమాల్లో ఆదిత్య గాధ్వికి పనిచేసిన అనుభవం ఉంది. పలు భాషల్లోనూ ఆదిత్య పాటలు పాడాడు.
- ఇన్నింగ్స్ బ్రేక్.. తొలి ఇన్నింగ్స్ తర్వాత బ్రేక్ సమయంలో అద్భతమైన సాంస్కృతిక కార్యక్రమం ఉండనుంది. ఈ కార్యక్రమంలో పాపులర్ సింగర్స్.. ప్రీతమ్ చక్రబొర్తీ, జొనితా గాంధీ, నకాశ్ అజీజ్, అమిత్ మిశ్రా, అక్సా సింగ్, తుషార్ జోషి ప్రదర్శన ఉండనుంది.
- 2nd డ్రింక్స్ బ్రేక్.. రెండో ఇన్నింగ్స్ విరామం సమయంలో లేజర్ లైట్ షో ఉండనున్నట్లు బీసీసీఐ తెలిపింది.
అహ్మదాబాద్కు ప్రత్యేక రైళ్లు.. ఫైనల్ మ్యాచ్ సందర్భంగా టీమ్ఇండియా ఫ్యాన్స్ ఇప్పటికే భారీ సంఖ్యలో అహ్మదాబాద్ చేరుకుంటున్నారు. అయితే ఈ మ్యాచ్ క్రేజ్ను దృష్టిలో ఉంచుకొని భారతీయ రైల్వే.. ముంబయి నుంచి అహ్మదాబాద్కు మూడు ప్రత్యేక రైళ్లను నడుపనున్నట్లు రైల్వే అధికారి జితేంద్ర కుమార్ తెలిపారు.
- మొదటి ట్రైన్.. ఛత్రపతి శివాజీ మహరాజ్ టెర్మినస్ నుంచి అహ్మదాబాద్కు నవంబర్ 18 రాత్రి 10.30 గంటలకు బయల్దేరుతుంది. 19 నవంబర్ ఉదయం 6.40 గంటలకు అహ్మదాబాద్ చేరుకుంటుంది.
- రెండో ట్రైన్.. బాంద్రా టెర్మినస్ నుంచి నవంబర్ 18 రాత్రి 11.45 గంటలకు బయల్దేరి.. 19 నవంబర్ ఉదయం 7.20కు అహ్మదాబాద్ చేరుకుంటుంది.
- మూడో ట్రైన్.. ముంబయి సెంట్రల్ - అహ్మదాబాద్.. నవంబర్ 18 రాత్రి బయల్దేరి.. 19 నవంబర్ ఉదయం 8.45 గంటలకు చేరనుంది.