Will Jacks Century :ఇంగ్లాండ్ జట్టుకు చెందిన స్టార్ బ్యాటర్ విల్ జాక్స్ తాజాగా ఓ నయా రికార్డును నెలకొల్పాడు. మినీ ఐపీఎల్‌ను తలపించే సౌతాఫ్రికా టీ20 లీగ్‌లో శతకం బాది తన సత్తా చాటాడు. 41 బంతుల్లో 8 ఫోర్లు, 9 సిక్సర్ల బాదిన ఈ స్టార్ ప్లేయర్ సౌతాఫ్రికా టీ20లో వేగవంతమైన శతకాన్ని నమోదు చేసిన ప్లేయర్గా రికార్డుకెక్కాడు. అంతే కాకుండా తన సూపర్ ఇన్నింగ్స్తో జట్టును విజయ తీరాలకు చేర్చాడు. మ్యాచ్ వేదికైన సెంచూరియన్‌ పిచ్ బ్యాటింగ్కు అనుకూలంగా లేకపోయినప్పటికీ విల్ అద్భుతంగా రాణించాడు. కేవలం 23 బంతుల్లోనే జాక్వెస్ హాఫ్ సెంచరీ పూర్తి చేశాడు. ఆ తర్వాత వేగంగా సెంచరీని చేరుకున్నాడు.
మ్యాచ్ సాగిందిలా:
తొలుత బ్యాటింగ్కు దిగిన ప్రిటోరియా క్యాపిటల్స్ నిర్ణీత 20 ఓవర్లలో 9 వికెట్లకు 204 పరుగుల స్కోర్ చేసింది. ఇక విల్ జాక్స్‌కు తోడుగా ఈ మ్యాచ్లో కొలిన్ ఇన్‌గ్రామ్(43)రాణించాడు. ఆ తర్వాత లక్ష్యచేధనకు దిగిన డర్బన్ సూపర్ జెయింట్స్ నిర్ణీత 20 ఓవర్లలో 7 వికెట్లకు 187 పరుగులే చేయగలిగింది. మాథ్యూ బ్రీట్జ్‌కే(33), క్వింటన్ డికాక్(25) ఆడినప్పటికీ డర్బన్ జట్టు ఓటమిని చవిచూసింది. ఇక సూపర్ జెయింట్స్ బౌలర్లలో రీస్ టోప్లీ మూడు వికెట్లు తీయగా, మార్కస్ స్టోయినీస్, కేశవ్ మహరాజ్, జూనియర్ డాలా, కీమో పాల్, డ్వేన్ ప్రిటోరియస్ చెరో వికెట్ తీశారు.