భారత్లో క్రికెట్కు ఏ క్రీడకు లేనంత ఆదరణ ఉంది. అందుకే బీసీసీఐ ప్రపంచంలోనే అత్యంత ధనిక బోర్డుగా వెలుగొందుతోంది. టీమ్ఇండియా క్రికెటర్లకూ ప్రపంచవ్యాప్తంగా అభిమానులు ఉన్నారు. వారి గురించి తెలుసుకోవాలని చాలామంది ఫ్యాన్స్ భావిస్తుంటారు. క్రికెటర్లతో పాటు వారి భార్యలకూ ఎక్కువ క్రేజ్ ఉంటుంది. వారి ఫొటోలు, వీడియోలు అందుకే వైరల్గా మారుతూ ఉంటాయి. ఈ క్రమంలో వారు ఏం చదువుకున్నారో తెలుసుకుందాం.
అనుష్క కోహ్లీ
ప్రస్తుత టీమ్ఇండియా సారథి విరాట్ కోహ్లీ సతీమణి అనుష్క శర్మ.. బాలీవుడ్లో స్టార్ నటిగా గుర్తింపు తెచ్చుకుంది. ప్రేమ పెళ్లి చేసుకున్న అనుష్క ఆర్ట్స్లో డిగ్రీ పూర్తి చేయగా.. ఎకనామిక్స్లో మాస్టర్స్ పట్టా పొందింది. ప్రస్తుతం వెబ్సిరీస్లకు నిర్మాతగానూ వ్యవహరిస్తోంది.
సాక్షి ధోనీ
టీమ్ఇండియా కెప్టెన్గా జట్టుకు ఎన్నో రికార్డు విజయాలు అందించిన క్రికెటర్ మహేంద్ర సింగ్ ధోనీ. అతని భార్య సాక్షి.. హోటల్ మేనేజ్మెంట్ విద్యలో పట్టభద్రురాలు. ఆమె ఔరంగాబాద్లోని హోటల్ మేనేజ్మెంట్ ఇనిస్టిట్యూట్లో డిగ్రీ పూర్తి చేసింది. మహీని పెళ్లాడక ముందు కోల్కతాలోని తాజ్ బంగాల్ హోటల్లో ట్రైనీగా పనిచేసింది. వీరిద్దరికీ 2010 జులై 4న వివాహమైంది. వీరికి జీవా అనే కూతురుంది. ప్రస్తుతం ధోనీకి సంబంధించిన విషయాలను చూసుకుంటూ బిజీగా గడిపేస్తోంది సాక్షి.