Virat Kohli: టెస్టు క్రికెట్లోని 'బిగ్ 5'లో టీమ్ఇండియా స్టార్ విరాట్ కోహ్లీనే అత్యుత్తమని అన్నాడు ఆస్ట్రేలియా మాజీ ఆల్రౌండర్ షేన్ వాట్సన్. అయితే 2019 నవంబర్ నుంచి అతడు సెంచరీ చేయకపోవడానికి గల కారణాలపై పెద్దగా చర్చ అవసరంలేదని భావించాడు. వాట్సన్ జాబితా ప్రకారం.. స్టీవ్ స్మిత్, కేన్ విలియమ్సన్, జో రూట్, బాబర్ అజామ్ కన్నా కోహ్లీనే ముందున్నాడు. ఈ మేరకు ఐసీసీ రివ్యూ లేటెస్ట్ ఎపిసోడ్లో టెస్టుల్లో అత్యుత్తమం ఎవరనేదానిపై వాట్సన్ తన అభిప్రాయాన్ని పంచుకున్నాడు.
"టెస్టుల్లో అత్యుత్తమం ఎవరంటే ఎప్పుడైనా నేను విరాట్ కోహ్లీ అనే చెబుతాను. అతడు చేసేది దాదాపు సూపర్హ్యూమన్లా ఉంటుంది. ఆడటానికి వెళ్లిన ప్రతిసారీ చాలా తీవ్రత కలిగి ఉంటాడు"