Virat Kohli Success Mantra : 'అవన్నీ నేను పట్టించుకోను.. నా సక్సెస్ మంత్ర అదే'

Virat Kohli Success Mantra : తానెప్పుడూ అత్యుత్తమంగా భావించనని భారత స్టార్ ప్లేయర్ విరాట్ కోహ్లీ అన్నాడు. ఒకవేళ అలా భావిస్తే.. అక్కడితో ఆగిపోవాల్సి ఉంటుదని స్టార్​స్పోర్ట్స్​ చిట్​చాట్​లో పేర్కొన్నాడు.

Virat Kohli Success Mantra :టీమ్ఇండియా స్టార్ బ్యాటర్ విరాట్ కోహ్లీ.. మెగాటోర్నీలో దూసుకుపోతున్నాడు. ఒక్కో మ్యాచ్​లో తన బెస్ట్ పెర్ఫార్మెన్స్​ ఇస్తున్నాడు. ఇక ఛేజింగ్​ అంటే విరాట్ ఎలా చెలరేగిపోతాడో ప్రత్యేకంగా చెప్పక్కర్లేదు. ఈ స్థాయికి చేరేందుకు రెగ్యులర్​గా నెట్స్​లో శ్రమిస్తానని విరాట్ ఎప్పుడూ చెబుతుంటాడు. అయితే రీసెంట్​గా ప్రముఖ స్పోర్ట్స్​ ఛానెల్ స్టార్‌స్పోర్ట్స్‌తో చిట్​చాట్ చేశాడు. ఈ చిట్​చాట్​లో తను నమ్మకంతో ఆచరించే నినాదం ఒకటుందని అన్నాడు.

అత్యున్నత స్థాయికి చేరుకున్నాని ఎప్పుడూ భావించనని.. స్కిల్స్​ డెవలప్​ చేసుకునేందుకు రోజూ కష్టపడతానని విరాట్ అన్నాడు. " వ్యక్తిగతంగా, సామర్థ్యపరంగా మరింత మెరుగ్గయ్యేందుకు ఎప్పటికప్పుడు శ్రమిస్తా. నిరంతరం అందుకోసం సాధన చేస్తుంటా. నిలకడగా ఆడేందుకు ఇదే నాకు సహాయపడింది. అత్యుత్తమ స్థాయి అనేది ఎక్కడా ఉండదని.. దానికి హద్దు లేదని భావిస్తా. లేకపోతే ఓ స్టేజ్​కు వచ్చేసరికి ఆగిపోవాల్సి ఉంటుంది. ఇక ఎక్స్​లెన్స్ అనే పదాన్ని నేను పట్టించుకోను. దానికంటూ ఓ నిర్వచనం కూడా లేదనేది నా ఫీలింగ్. అందుకే స్కిల్స్​ ఎలా డెవలప్​ చేసుకోవాలనే దానిపైనే దృష్టి సారిస్తుంటా. పెర్ఫార్మెన్స్ అనేది బై ప్రొడక్ట్. ఎప్పుడూ జట్టును ఎలా గెలిపించాలనే ఆలోచనతో ఉండాలి" అని విరాట్ అన్నాడు.

వరల్డ్​కప్​లో అసాధారణం.. ప్రస్తుత వరల్డ్​కప్​లో ఐదు మ్యాచ్​లు ఆడిన విరాట్ ఇప్పటికే 118 సగటుతో 354 పరుగులు చేశాడు. ఇందులో ఓ సెంచరీ, మూడు హాఫ్ సెంచరీలు ఉన్నాయి. ఇదే టోర్నీలో భారత్ - ఆస్ట్రేలియా మ్యాచ్​లో కెప్టెన్ రోహిత్ శర్మ, ఇషాన్ కిషన్, శ్రేయస్ అయ్యర్ విఫలమైనా.. విరాట్ అద్భుత పోరాటంతో టీమ్ఇండియాను విజయతీరాలకు చేర్చాడు. ఈ మ్యాచ్​లో విరాట్ 85 పరుగులు సాధించాడు. ఇక గత మ్యాచ్​ న్యూజిలాండ్​తో కూడా విరాట్.. ఆఖరి వరకు క్రీజులో ఉన్నాడు. 95 పరుగులు వద్ద భారీ షాట్​కు ప్రయత్నించి ఔట్ అయ్యాడు. ఇక వన్డే కెరీర్​లో 286 మ్యాచ్​లు ఆడిన విరాట్.. 13437 పరుగులు చేశాడు. ఇందులో 48 హాఫ్ సెంచరీలు ఉన్నాయి. ఇంకొక్క శతకం సాధిస్తే.. వన్డేల్లో అత్యధిక సెంచరీలు చేసిన క్రికెట్ దిగ్గజం సచిన్ తెందూల్కర్ సరసన చేరతాడు.