Virat Kohli MS Dhoni: ఐపీఎల్‌ 2022 మెగా టోర్నీకి ముందు చెన్నై సూపర్ కింగ్స్ కెప్టెన్సీ పగ్గాలు వదులుకొని మహేంద్రసింగ్‌ ధోనీ అందరికీ షాకిచ్చాడు. ఈ విషయంపై కోహ్లీ స్పందిస్తూ.. ధోనీని ప్రత్యేకంగా అభినందించాడు. ధోనీ సారథ్యంలోనే విరాట్ కోహ్లీ టీమ్‌ఇండియాలోకి వచ్చాడు. ఆ తర్వాత మేటి ఆటగాడిగా రాణించి మహీ నుంచే అన్ని ఫార్మాట్ల కెప్టెన్సీ చేపట్టాడు. దీంతో ఇద్దరి మధ్య మంచి అనుబంధం ఉంది. ఈ నేపథ్యంలోనే ఇటీవలే ధోనీ.. సీఎస్కే కెప్టెన్సీ వదులుకోగానే కోహ్లీ సామాజిక మాధ్యమాల వేదికగా స్పందించాడు.
"చెన్నై సూపర్ కింగ్స్ తరఫున అత్యుత్తమ సారథ్య బాధ్యతలు నిర్వర్తించావు. ఎల్లో జెర్సీలో దిగ్గజ కెప్టెన్గా కొనసాగావు. నీ చరిత్రను అభిమానులు ఎప్పటికీ మర్చిపోరు. నువ్వంటే నాకెప్పుడూ అమితమైన గౌరవమే" అని కోహ్లీ భావోద్వేగ పోస్టుతో సహా ధోనీని హత్తుకునే ఓ ఫొటో పంచుకున్నాడు.