Virat Kohli On Djokovic:సెర్బియా దిగ్గజ టెన్నిస్ ఆటగాడు నొవాక్ జకోవిచ్, తనకు క్రికెటర్ విరాట్ కోహ్లీతో ఉన్న సన్నిహిత్యం గురించి రీసెంట్గా సోనీ స్పోర్ట్స్ ఛానెల్లో తెలిపాడు. దీనిపై తాజాగా విరాట్ స్పందించాడు. అతడు బీసీసీఐ టీవీతో జకోవిచ్తో ఉన్న బాండింగ్ గురించి షేర్ చేసుకున్నాడు.'వరల్డ్టాప్ క్లాస్ అథ్లెట్తో కనెక్ట్ అవ్వడం హ్యాపీ. ఫిట్నెస్ పట్ల అతడికి ఉన్న ప్యాషన్, నన్ను కూడా ప్రభావితం చేస్తుంది. అతడు త్వరలోనే భారత్ వస్తానన్నాడు. ఒకవేళ నేను భారత్లో ఉన్నప్పుడు జకోవిచ్ ఇక్కడకు వచ్చినా లేదా అతడు ఆడే దేశంలో నేను అక్కడ ఉన్నా కలిసేందుకు వెళ్తాను. కచ్చితంగా జకోవిచ్తో కలిసి కప్ కాఫీ తాగుతా' అని విరాట్ అన్నాడు.
Djokovic On Virat 50th Century: విరాట్ వన్డేల్లో 50వ సెంచరీ నమోదు చేసినప్పుడు జకోవిచ్ తనకు శుభాకాంక్షలు తెలిపిన విషయాన్ని గుర్తుచేసుకున్నాడు. 'ఒకసారి ఇన్స్టాగ్రామ్లో జకోవిచ్ ప్రొఫైల్ చూసి, హలో అని మెసేజ్ చేశా. తన నుంచి నాకు రిప్లై వచ్చింది. నేనెప్పుడూ మెసేజ్లు చూడను. తొలి సారి మెసేజ్లు ఓపెన్ చేయగానే తన రిప్లై ఉంది. నేను ఫేక్ అకౌంట్ అనుకున్నా. అప్పటినుంచి ఇద్దరం చాటింగ్ చేసుకుంటున్నాం. రీసెంట్గా నేను 50వ సెంచరీ బాదినప్పుడు, జకోవిచ్ ఇన్స్టాలో స్టోరీ పెట్టి నాకు శుభాకాంక్షలు తెలిపాడు. ఇద్దరం పరస్పరం గౌరవించుకుంటాం. రీసెంట్గా ఆస్ట్రేలియా ఓపెన్లో అతడు బ్యాటింగ్ చేయడం చూశా. టెన్నిస్ రాకెట్ పట్టుకున్నట్లు క్రికెట్ బ్యాట్ పట్టుకున్నాడు. తనకు బ్యాట్ సరిగ్గా పట్టుకోవడం నేర్పిస్తా' అని విరాట్ అన్నాడు.