Virat Kohli Meets Shaheen Afridi: ప్రపంచ క్రీడాభిమానులు ఆసక్తిగా ఎదురు చూస్తున్న భారత్, పాకిస్థాన్ మ్యాచ్ దుబాయ్ వేదికగా ఆదివారం జరగనుంది. ఈ తరుణంలో ఇరు జట్ల ప్రాక్టీస్ సెషన్లో ఓ అరుదైన సన్నివేశం జరిగింది. పాకిస్థాన్ పేసర్ షాహిన్ అఫ్రిదీని కలిశాడు భారత స్టార్ బ్యాటర్ విరాట్ కోహ్లీ. వీరిద్దరు మాట్లాడుకున్న వీడియోను సోషల్ మీడియాలో పోస్ట్ చేసింది పాకిస్థాన్ క్రికెట్ బోర్డ్.
పాకిస్థాన్ జట్టు ప్రాక్టీస్ చేస్తున్న తరుణంలో అటుగా వెళ్లిన విరాట్ కోహ్లీ.. పాక్ పేసర్ అఫ్రిదీని కలిసి మాట్లాడాడు. తొలుత గాయం గురించి అఫ్రిదీని అడిగి తెలుసుకున్నాడు విరాట్ కోహ్లీ. దీనికి స్పందించిన షాహిన్ అఫ్రిది.. "నువ్వు మళ్లీ ఫామ్లోకి రావాలని మేము ప్రార్థిస్తున్నాం" అని విరాట్ కోహ్లీకి చెప్పాడు. దీంతో.. కోహ్లీ కూడా నవ్వుతూ షేక్ హ్యాండ్ ఇచ్చి వెళ్లిపోయాడు.