Virat Kohli Favourite Cricketer : టీమ్ఇండియా స్టార్ క్రికెటర్ విరాట్ కోహ్లీ.. మైదానంలోకి దిగితే ఇక ఫార్మాట్‌తో సంబంధం లేకుండా బాల్ను బౌండరీ దాటిస్తుంటాడు. తన సుదీర్ఘ కెరీర్లో ఎన్నో రికార్డులను తన పేరిట నమోదు చేసుకున్న ఈ రన్నింగ్ మెషిన్.. తన ఆటతీరుతో ఈ తరం యువతకు ఇన్స్పిరేషన్గా నిలుస్తున్నాడు. అయితే ఎంతో మందికి ఫేవరట్గా ఉన్న ఈ స్టార్ ప్లేయ‌ర్కు క్రికెట్ గాడ్ మాస్టర్‌ బ్లాస్టర్‌ సచిన్ తెందూల్కర్‌ అంటే ఎంత ఇష్టమో ప్రత్యేకంగా చెప్పనక్కర్లేదు. చిన్నప్పటి నుంచి సచిన్ ఆటను చూస్తూ పెరిగిన కోహ్లి.. కెరీర్ ఆరంభంలోనే తన ఫేవరట్ స్టార్తో కలిసి ఆడే అవకాశాన్ని దక్కించుకున్నాడు. మైదానంలోనే కాకుండా బయట కూడా సచిన్‌ను దగ్గర నుంచి గమనించిన విరాట్.. ఆయన దగ్గర నుంచి ఎన్నో విషయాలను నేర్చుకున్నానంటూ గతంలో చెప్పుకొచ్చాడు.
అయితే తాజాగా ఓ యాంకర్.. ప్ర‌స్తుతం ఉన్న ప్లేయర్స్లో మీ ఫేవరెట్ క్రికెటర్ ఎవ‌రు? అంటూ అడిగిన ప్రశ్నకు కోహ్లి ఊహించ‌ని స‌మాధానం చెప్పాడు. దీంతో ఫ్యాన్స్ ఒక్కసారిగా షాకయ్యారు. ఆ తర్వాత తమ ఆనందాన్ని వ్యక్తం చేశారు. అయితే విరాట్ తన ఫేవరట్ స్టార్గా ఇంగ్లాండ్‌ జట్టు ఆల్‌రౌండర్‌ బెన్‌ స్టోక్స్ పేరు చెప్పాడు. జట్టు తొలిసారి వన్డే ప్రపంచ కప్ గెలవడంలో కీలక పాత్ర పోషించిన స్టోక్స్కు తాను అభిమానినని అంటూ కోహ్లి వెల్లడించాడు.