విరాట్​ బర్త్​ డే స్పెషల్​ - 49వ సెంచరీ బాదేశాడోచ్​ - సచిన్​ను సమం చేసిన కింగ్

Virat Kohli 49th Century : 2023 వరల్డ్​కప్​లో భాగంగా జరుగుతున్న భారత్ -సౌతాఫ్రికా మ్యాచ్​లో టీమ్ఇండియా స్టార్ బ్యాటర్ విరాట్ కోహ్లీ.. అదరగొడుతున్నాడు. ఈ క్రమంలో తన వన్డే కెరీర్​లో విరాట్ 49వ సెంచరీ నమోదు చేశాడు.

Virat Kohli 49th Century :టీమ్ఇండియా స్టార్ బ్యాటర్ విరాట్ కోహ్లీ.. కెరీర్​లో అద్భుతమైన మైలురాయి అందుకున్నాడు. వరల్డ్​కప్​లో భాగంగా కోల్​కతా వేదికగా సౌతాఫ్రికాతో జరుగుతున్న మ్యాచ్​లో విరాట్ (100 పరుగులు ; బంతుల్లో 10x4) శతకంతో అదరగొట్టాడు. ఈ క్రమంలో అతడు తన వన్డే కెరీర్​లో 49వ సెంచరీ నమోదు చేశాడు. దీంతో వన్డేల్లో అత్యధిక శతకాలు బాదిన క్రికెట్ దిగ్గజం సచిన్ తెందూల్కర్ సరసన చేరాడు. తన బర్త్ డే రోజున ఈ ఘనత సాధించడం వల్ల విరాట్ ఫ్యాన్స్, మాజీ క్రికెటర్లు అతడిపై ప్రశంసం జల్లు కురిపిస్తున్నారు.

సచిన్ తెందూల్కర్ ట్వీట్.. వెల్​ ప్లే విరాట్.. " నాకు 49 నుంచి 50 చేరుకోడానికి (వయసును ఉద్దేశిస్తూ) 365 రోజులు పట్టింది. కానీ, నువ్వు త్వరలోనే 49 నుంచి 50కి (వన్డేల్లో సెంచరీలు ఉద్దేశించి) చేరుకొని నా రికార్డు బ్రేక్ చెయ్యాలి" అని తెందూల్కర్ ట్వీట్ చేశాడు.

వన్డేల్లో అత్యధిక సెంచరీలు

• విరాట్ కోహ్లీ 49 (277 ఇన్నింగ్స్​)
• సచిన్ తెందూల్కర్ 49 (452 ఇన్నింగ్స్​)
• రోహిత్ శర్మ 31 (251 ఇన్నింగ్స్​)
• రికీ పాంటింగ్ 30 (365 ఇన్నింగ్స్​)
• సనత్ జయసూర్య 28 (433 ఇన్నింగ్స్​)

పుట్టినరోజున సెంచరీలు బాదిన క్రికెటర్లు..

• వినోద్ కాంబ్లి 100 vs ఇంగ్లాండ్ (1993)
• సచిన్ తెందూల్కర్ 134 vs ఆస్ట్రేలియా (1998)
• సనత్ జయసూర్య 130 vs భారత్ (2008)
• రాస్ టేలర్ 131 vs పాకిస్థాన్ (2011)
• మిచెల్ మార్ష్ 121 vs పాకిస్థాన్ (2023)
• విరాట్ కోహ్లీ 101 vs సౌతాఫ్రికా (2023)

ప్రపంచ రికార్డుకు అడుగు దూరంలో..ప్రపంచ రికార్డుకు అడుగు దూరంలో.. వన్డేల్లో విరాట్ ఇప్పటివరకు 49 సెంచరీలు బాదాడు. మరొక్క శతకం నమోదు చేస్తే వన్డేల్లో 50 సెంచరీలు బాదిక ఏకైక క్రికెటర్​గా విరాట్ చరిత్ర సృష్టిస్తాడు. అయితే ఈ అరుదైన ఘనతకు కేవలం ఒకే సెంచరీ దూరంలో ఉండడం వల్ల.. విరాట్ ఈజీగా సాధించే ఛాన్స్ ఉంది. ఇక ఇప్పటివరకు విరాట్ తన కెరీర్​లో 289 వన్డే మ్యాచ్​లు ఆడాడు. 58.48 సగటుతో 13626 పరుగులు సాధించాడు. ఇందులో 49 శతకాలు, 70 అర్ధ శతకాలు ఉన్నాయి.