Virat Kohli 49th Century :టీమ్ఇండియా స్టార్ బ్యాటర్ విరాట్ కోహ్లీ.. కెరీర్లో అరుదైన మైలురాయి అందుకున్నాడు. ప్రపంచకప్లో సౌతాఫ్రికాతో జరుగుతున్న మ్యాచ్లో శతకంతో (101 పరుగులు) అదరగొట్టాడు. ఈ క్రమంలో విరాట్ వన్డేల్లో అత్యధిక సెంచరీలు బాదిన సచిన్ తెందూల్కర్ (49) రికార్డును సమం చేశాడు. దీంతో అతడిపై పలువురు మాజీ క్రికెటర్లు, సెలబ్రిటీలు సోషల్ మీడియా వేదికగా ప్రశంసల జల్లు కురిపిస్తున్నారు. ఎవరెవరు ఏమన్నారంటే?
త్వరగా బ్రేక్ చెయ్..విరాట్ వన్డేల్లో 49వ సెంచరీ సాధించిన సందర్భంగా.. మాస్టర్ బ్లాస్టర్ సచిన్ తెందూల్కర్ ట్విట్టర్ వేదికగా అతడిని ప్రశంసించాడు. వెల్ ప్లే విరాట్.. " నాకు 49 నుంచి 50 చేరుకోడానికి (వయసును ఉద్దేశిస్తూ) 365 రోజులు పట్టింది. కానీ, నువ్వు త్వరలోనే 49 నుంచి 50కి (వన్డేల్లో సెంచరీలు ఉద్దేశించి) చేరుకొని నా రికార్డు బ్రేక్ చెయ్యాలి" అని తెందూల్కర్ ట్వీట్ చేశాడు.
- విరాట్ కోహ్లీ తన బర్త్ డే రోజు లెజెండరీ సచిన్ తెందూల్కర్ రికార్డును సమం చేశాడు. వన్డేల్లో అత్యధిక శతకాలు బాదిన క్రికెటర్గా సచిన్తోపాటు నిలిచాడు.- ఐసీసీ
- విరాట్ సతీమణి అనుష్క తన ఇన్‌స్టాగ్రామ్‌ స్టోరీస్‌ విరాట్ సెంచరీ ఫొటోను షేర్ చేసింది. 'పుట్టిన రోజు నాడు ప్రత్యేక బహుమతిని నీకు నువ్వే ఇచ్చుకున్నావు' - నటి అనుష్క శర్మ.
- 'క్లాస్‌ ఇన్నింగ్స్. విరాట్ అద్భుతమైన ఆటతీరును ప్రదర్శించాడు. ఇంతకుమించిన బర్త్‌డే సెలబ్రేషన్స్‌ ఉండవు' - హీరో విక్టరీ వెంకటేశ్.