పవర్ కపుల్ విరాట్, అనుష్కల గురించి ప్రత్యేకంగా చెప్పనక్కర్లేదు. ఈ క్యూట్ పెయిర్ ఏ వేదికపై కనిపించినా అభిమానులకు కన్నులపండుగగానే ఉంటుంది. అయితే ఇటీవల ఈ జంట ముంబయిలో జరిగిన ఓ కార్యక్రమానికి వచ్చి సందడి చేసింది. అభిమానుల కోసం రెడ్ కార్పెట్పై ఫొటోషూట్ చేసింది. ఇండియన్ స్పోర్ట్స్‌ ఆనర్స్ 2023 కార్యక్రమంలో పాల్గొన్న వీరిద్దరూ.. అందులో భాగంగా రెడ్ కార్పెట్పై జరిగిన రాపిడ్‌ ఫైర్ గేమ్ను ఆడారు. యాంకర్ అడిగిన ప్రశ్నలకు తమ స్ట్రైల్లో సమాధానాలు ఇచ్చారు. 'ఎవరు బాగా డ్యాన్స్ చేస్తారు' అని యాంకర్ అడిగిన ప్రశ్నకు సమాధానంగా వెంటనే కోహ్లీ వైపు చూపించింది అనుష్క. దీంతో కోహ్లీ ఆమె సమాధానానికి కోహ్లీ ఒక్కసారిగా షాక్ అయ్యాడు. అయితే ఈ ప్రశ్నకు కోహ్లీ కూడా సమాధానమిచ్చాడు.
"గతంలో ఏదైనా పార్టీకి వెళ్లి డ్రింక్ చేస్తే సరదాగా డ్యాన్స్ చేసేవాడిని. రెండు- మూడు పెగ్గులు వేసి డ్యాన్స్ మొదలుపెడితే అక్కడ ఎవరు ఉండకూడదనేలా చేస్తాను. అయితే ఆ విషయాన్ని నేను అంతగా పట్టించుకోను. నేను ఇప్పుడు మందు కూడా తాగడం మానేశా" అంటూ కూల్గా సమాధానమిచ్చారు కోహ్లీ. ఇటీవల నార్వేకు చెందిన 'క్విక్‌ స్టైల్' అనే డ్యాన్స్ గ్రూప్తో కోహ్లీ బ్యాట్‌ పట్టుకుని ఫ్రీ స్టైల్ డ్యాన్స్ చేశారు. ఆ వీడియో ప్రస్తుతం సోషల్ మీడియాలో వైరలవుతోంది.