Venkatesh Iyer Rajini: సూపర్స్టార్ రజనీకాంత్కు ఉన్న ఫ్యాన్ ఫాలోయింగ్ గురించి ప్రత్యేకంగా చెప్పాల్సిన పనిలేదు. దేశవ్యాప్తంగానే కాకుండా ప్రపంచంలోనూ ఆయనకు చాలామంది అభిమానులున్నారు. అయితే రజనీకాంత్ ఆదివారం 72వ వసంతంలోకి అడుగుపెట్టారు. ఈ సందర్భంగా టీమ్ఇండియా యువ క్రికెటర్ వెంకటేశ్ అయ్యర్ రజనీకి స్పెషల్గా బర్త్డే విషెస్ చెప్పి తన అభిమానాన్ని చాటుకున్నాడు.
విజయ్ హజారే ట్రోఫీ టోర్నీలో మధ్యప్రదేశ్ జట్టుకు ఆడుతున్న వెంకటేశ్.. తన మెరుగైన ఫామ్ను కొనసాగిస్తున్నాడు. ఇప్పటికే రెండు సెంచరీలతో దుమ్మురేపాడు. చంఢీగఢ్ జట్టుపై 151 పరుగులు చేసిన అయ్యర్.. సెంచరీ అనంతరం రజనీ స్టైల్లో సెల్యూట్ చేశాడు. రజనీ తన సినిమాల్లో అద్దాలు పెట్టుకునే విధానాన్ని చేసి చూపించాడు.
రజనీ వీరాభిమాని..
రజనీకి వీరాభిమానినని గతంలో వెంకటేశ్ అయ్యర్ ఓ ఇంటర్వ్యూలో చెప్పాడు. సూపర్స్టార్ ప్రతి సినిమా చూస్తాడని చెప్పుకొచ్చాడు. ప్రస్తుతం రజనీ పుట్టినరోజు సందర్భంగా తనదైన శైలిలో ఆయనకు విషెస్ చెప్పాడు అయ్యర్.