Unmukt Chand USA: టీమిండియా అండర్-19 మాజీ కెప్టెన్ ఉన్ముక్త్ చంద్.. సగటు క్రికెట్ అభిమానులకు గుర్తుండిపోయే క్రికెటర్. 2012 అండర్ 19 ప్రపంచకప్లో భారత్ను జగజ్జేతగా నిలిపిన యువ సారథి. అయితే.. అనూహ్యంగా 28 ఏళ్లకే భారత క్రికెట్కు వీడ్కోలు పలికి అందరిని ఆశ్చర్యానికి గురి చేశాడు. టీమిండియాకు ప్రాతినిధ్యం వహించాలని కలలు కన్న ఉన్ముక్త్.. ఇప్పుడు భారత జట్టుకు ప్రత్యర్థిగా బరిలోకి దిగే అవకాశాన్ని సొంతం చేసుకోనున్నాడు. 2024 టీ20 ప్రపంచకప్ ఆతిథ్య హక్కులను వెస్టిండిస్తో పాటు అమెరికా సైతం దక్కించుకుంది. దీంతో యూఎస్ఏ జాతీయ జట్టుతో కొనసాగుతున్న ఉన్ముక్త్కు ఈ అరుదైన అవకాశం దక్కనుంది.
2024 టీ20 ప్రపంచ కప్ టోర్నీని వెస్టిండిస్తో పాటు అమెరికాలోనూ నిర్వహించాలని నిర్ణయించింది ఐసీసీ. క్రికెట్కు విశ్వవ్యాప్తంగా ఆదరణ తీసుకురావాలనే ఉద్దేశంతో ఈ నిర్ణం తీసుకున్నట్లు వెల్లడించింది. ఐసీసీ తీసుకున్న ఈ నిర్ణయంతో హోస్ట్ కంట్రీ హోదాలో యూఎస్ఏ తొలిసారి మెగా టోర్నీకి అర్హత సాధించింది. దీంతో ఆ దేశ జాతీయ జట్టుకు ఆడుతున్న ఉన్ముక్త్.. టీమిండియాకు ప్రత్యర్థిగా బరిలోకి దిగే అవకాశం ఉంది.