Trump Dhoni : టీమ్ఇండియా మాజీ కెప్టెన్ మహేంద్ర సింగ్ ధోనీ తాజాగా గోల్ఫ్ ఆడుతూ కనిపించారు. తాజాగా అమెరికాలో టెన్నిస్ మ్యాచ్‌లు చూసేందుకు వెళ్లిన ఆయన్ను.. ఆ దేశ మాజీ అధ్యక్షుడు డొనాల్డ్ ట్రంప్ గోల్ఫ్ ఆడేందుకు ఆహ్వానించారు. ఇక ఇద్దరూ కలిసి కాసేపు సరదాగా గోల్ఫ్ ఆడారు. ఆ తర్వాత ధోనీతో ట్రంప్ ఆప్యాయంగా మాట్లాడి క్రికెట్ సంగతులు అడిగి తెలుసుకున్నారు. ప్రస్తుతం ఈ ఫొటోలు నెట్టింట తెగ ట్రెండ్ అవుతోంది.
అమెరికా మాజీ అధ్యక్షుడు డొనాల్డ్ ట్రంప్కు కూడా మహీ అంటే ఇష్టమేనట. అందుకే ధోనీ అమెరికాలోనే ఉన్నాడని తెలుసుకుని అతడిని ప్రత్యేకంగా ఆహ్వానించినట్లు తెలుస్తోంది. అయితే ధోనీ కోసం ట్రంప్ ప్రత్యేకంగా ఈ గోల్ఫ్ గేమ్‌ ఏర్పాటు చేసినట్లు కొన్ని మీడియా కథనాలు పేర్కొన్నాయి. దుబాయి వ్యాపారవేత్త, ధోనీ స్నేహితుడు హితేశ్‌ సంఘ్వీ తొలుత ఈ ఫొటోను ఇన్‌స్టాగ్రామ్లో షేర్‌ చేశారు. ఆ తర్వాత ట్రంప్తో ధోనీ గోల్ఫ్ ఆడుతున్న వీడియో ఒకటి బయటికొచ్చింది. ఈ దృశ్యాలు ఇప్పుడు సోషల్ మీడియాలో తెగ ట్రెండ్ అవుతోంది.
Ms Dhoni US Open: తాజాగా ధోనీ యూఎస్ ఓపెన్‌లోనూ సందడి చేశాడు. గురువారం కార్లోస్‌ అల్కరాస్, అలెగ్జాండర్‌ జ్వెరెవ్‌ మధ్య జరిగిన క్వార్టర్ ఫైనల్స్ మ్యాచ్ను.. స్టేడియంలో స్నేహితులతో కలిసి వీక్షించాడు. ఓ సాధారణ ప్రేక్షకుడిగా మ్యాచ్ను ఆస్వాదిస్తూ కనిపించాడు. ఆట మధ్యలో స్పెయిన్ ఆటగాడు అల్కరాస్ రెస్ట్ తీసుకొని డ్రింక్స్ తాగుతున్న సమయంలో అతడిపై కెమెరా ఫోకస్ చేయగా.. వెనుకవైపు ఫ్రెండ్స్తో కూర్చొని ముచ్చటిస్తున్న ధోనీ కనిపించాడు. ప్రస్తుతం ఈ వీడియో నెట్టింట తెగ వైరల్గా మారింది.