IND VS SA: ప్రస్తుతం జరుగుతోన్న నామమాత్రమైన మూడో వన్డేలో దక్షిణాఫ్రికా బ్యాటర్లు బాగానే రాణించారు. క్వింటన్ డికాక్(124) సెంచరీ, రస్సీ వన్డర్ డస్సెన్(52) అర్ధశతకం తోడవ్వడం వల్ల ప్రత్యర్థి జట్టు.. టీమ్ఇండియా ముందు 288 పరుగుల లక్ష్యాన్ని నిర్దేశించింది. 70 పరుగులకే మూడు వికెట్లు కోల్పోయిన దక్షిణాఫ్రికాను వీరిద్దరూ కలిసి ఆదుకున్నారు. 144 పరుగులు జోడించి ఇన్నింగ్స్‌ను నిలబెట్టారు. భారత బౌలర్లలో ప్రసిద్ధ కృష్ణ 3, బుమ్రా 2, దీపక్ చాహర్ 2, చాహల్ 1 వికెట్ దక్కించుకున్నారు.
టాస్ ఓడి బ్యాటింగ్కు దిగిన దక్షిణాఫ్రికాకు శుభారంభం దక్కలేదు. జన్నెమన్ మలన్(1).. చాహర్ బౌలింగ్లో 2.1వ ఓవర్ వద్ద పంత్ చేతికి క్యాచ్ ఇచ్చి తొలి వికెట్గా వెనుదిరిగాడు. ఆ తర్వాత బవుమా(8) రెండో కీలక వికెట్ను కోల్పోయింది. అతడు రనౌట్గా పెవిలియన్ చేరాడు. చాహల్ వేసిన 6.3వ ఓవర్లో రాహుల్ డైరెక్ట్ త్రో విసరడం వల్ల బవుమా రనౌటయ్యాడు. అనంతరం దీపక్ చాహర్ బౌలింగ్లో మార్క్రమ్(15) రుతురాజ్ గైక్వాడ్కు క్యాచ్ ఇచ్చి మూడో వికెట్గా వెనుదిరిగాడు. అయితే డికాక్ మాత్రం భారత బౌలర్ల సహనాన్ని పరీక్షించాడు. అతడు స్కోరు బోర్డును పరుగులెత్తించాడు. ఈ క్రమంలోనే దూకుడుగా ఆడిన అతడిని బుమ్రా కట్టడి చేశాడు. డికాక్ భారీ షాట్కు యత్నించి శిఖర్ ధావన్ చేతికి చిక్కాడు. దీంతో 214 పరుగుల వద్ద నాలుగో వికెట్ను దక్షిణాఫ్రికా కోల్పోయింది. ఇక దూకుడిన మరో ప్లేయర్ రస్సి వన్డర్ డస్సెన్ను చాహల్ బౌలింగ్లో ఔట్ అయ్యాడు. ఆరో వికెట్గా పెహులుక్వాయో(4) పెవిలియన్ చేరాడు. అనంతరం ప్రిటోరియన్(20)-మిల్లర్(39) జోడీ క్రీజులో పాతుకుపోయి స్కోరు బోర్డును మళ్లీ పరుగులెత్తించింది. ఆ తర్వాత ప్రిటోరియన్, కేశవ్ మహరాజ్, డివిడ్ మిల్లర్, సిసంద మంగళ అందరూ ఔట్ అయిపోయారు.