గతేడాది ఇంగ్లాండ్ పర్యటనలో కరోనా కారణంగా వాయిదా పడ్డ ఆఖరి టెస్టు మ్యాచ్ను ఆడేందుకు టీమ్ఇండియా సిద్ధమైంది. ఇందుకోసం టీమ్ఇండియా జట్టు గురువారం ఇంగ్లాండ్ బయలుదేరింది. ఇందుకు సంబంధించి ఫొటోలను బీసీసీఐ ట్విట్టర్లో షేర్ చేసింది. ఈ ఫొటోల్లో విరాట్ కోహ్లీ, జడేజా, పుజారా, శార్దూల్ ఠాకూర్, ప్రసిద్ధ్ కృష్ణ, శుభ్మన్ గిల్ మొదలైన ఆటగాళ్లు ఉన్నారు. ఈ మ్యాచ్ ఓల్డ్ ట్రాఫోర్డ్ వేదికగా జూలై 1 నుంచి జరగనుంది. ఇప్పటికే భారత్ 2-1తో ఆధిక్యంలో ఉంది.
కొత్త కెప్టెన్లు..: ఇంగ్లాండ్తో గతేడాది జరిగిన టెస్టు సమయానికి ఇప్పటికీ టీమ్ఇండియా జట్టులో చాలా మార్పులు జరిగాయి. ప్రధానంగా అప్పుడు జట్టుకు విరాట్ కోహ్లీ కెప్టెన్సీ చేపట్టగా.. ఇప్పుడు రోహిత్ శర్మ సారథ్యం వహించనున్నాడు. మరోవైపు ఇంగ్లాండ్ జట్టులో కూడా ఇదే పరిస్థితి.. అప్పడు జో రూట్ కెప్టెన్సీ బాధ్యతలు చేపట్టగా.. ఈ మ్యాచ్కు ఇటీవల టెస్టు కెప్టెన్సీ పగ్గాలు అందుకున్న బెన్ స్టోక్స్ నాయకత్వం వహించనున్నాడు.