Team India Gabba Test Win:టీమ్ఇండియా సరిగ్గా మూడేళ్ల కిందట చారిత్రక విజయం సాధించింది. 2021లో ఆస్ట్రేలియా పర్యటనకు వెళ్లిన భారత్, గబ్బా మైదానంలో 3 దశాబ్దాలకుపైగా తిరుగులేని ఆసీస్కు ఓటమి రుచి చూపించింది. టెస్టు సిరీస్లో నాలుగో మ్యాచ్లో భారత్ 3 వికెట్ల తేడాతో నెగ్గింది. విరాట్ కోహ్లీ గైర్హాజరీలో కెప్టెన్ అజింక్య రహానే గిల్, మయంక్ అగర్వాల్, రిషభ్ పంత్, సుందర్ వంటి కుర్రాళ్లతో నిండిన టీమ్ఇండియా చరిత్ర సృష్టించింది. దీంతో నాలుగు మ్యాచ్ల టెస్టు సిరీస్ను 2-1తో టీమ్ఇండియా కైవసం చేసుకుంది.
అయితే గబ్బా స్టేడియంలో ఆస్ట్రేలియాను ఓడించడం అంత సులువేమీ కాదన క్రికెట్ విశ్లేషకుల అభిప్రాయం. అక్కడి ఫ్లాట్ పిచ్లపై పేసర్లు సంధించే బౌన్సర్లను ఎదుర్కొవడం కూడా బ్యాటర్లకు సవాలే. అప్పటివరకు ఆసీస్ గబ్బా గ్రౌండ్లో 1988లో వెస్టిండీస్తో ఓటమి పాలైంది. ఆ తర్వాత దాదాపు 3 దశాబ్దాలకు పైగా గబ్బాలో ఆసీస్కు ఓటమి లేదు. అయితే అదే గ్రౌండ్లో 2021 జనవరి 19న టీమ్ఇండియా, ప్రత్యర్థిని ఓడించడంతో యువ భారత్పై దేశవ్యాప్తంగా ప్రశంసలు కురిశాయి.
మ్యాచ్ విషయానికొస్తే రెండో ఇన్నింగ్స్లో ఆస్ట్రేలియా నిర్దేశించిన 328 పరుగుల లక్ష్యాన్ని భారత్ 7 వికెట్లు కోల్పోయి ఛేదించింది. ఓపెనర్ శుభ్మన్ గిల్ (91 పరుగులు), ఛెతేశ్వర్ పుజారా (56 పరుగులు), రిషభ్ పంత్ (89* పరుగులు) కీలక ఇన్నింగ్స్తో రాణించారు. చివర్లో వాషింగ్టన్‌ సుందర్ (22) ఆకట్టుకున్నాడు.