WTC 2021-23 Points Table: న్యూజిలాండ్తో జరిగిన రెండో టెస్టులో ఘనవిజయం సాధించింది టీమ్ఇండియా. తద్వారా 1-0 తేడాతో సిరీస్నూ కైవసం చేసుకుంది. ఈ క్రమంలోనే ప్రపంచ టెస్టు ఛాంపియన్షిప్ రెండో ఎడిషన్ పాయింట్ల పట్టికలో మూడో స్థానానికి చేరింది. ఇంగ్లాండ్తో జరిగిన సిరీస్ను 2-1 తేడాతో కైవసం చేసుకున్న భారత్.. తాజాగా కివీస్తో సిరీస్ను 1-0 తేడాతో గెలుచుకుంది. దీంతో పాయింట్ల పట్టికలో 42 పాయింట్లు, 58.33 పర్సంటేజ్తో మూడో స్థానంలో నిలిచింది. 2021-23 ఎడిషన్లో తొలి టెస్టు సిరీస్ ఆడిన న్యూజిలాండ్ 4 పాయింట్లు, 16.66 పర్సంటేజ్తో 6వ స్థానానికి చేరుకుంది. శ్రీలంక 100 పర్సంటేజ్, 24 పాయింట్లతో అగ్రస్థానంలో కొనసాగుతుండగా.. పాకిస్థాన్ 66.66 పర్సంటేజ్తో రెండో స్థానం కైవసం చేసుకుంది.
డబ్ల్యూటీసీ పాయింట్ల పట్టికలో భారత్ స్థానం ఎంతంటే? - ప్రపంచ టెస్టు ఛాంపియన్షిప్ పాయింట్ల పట్టిక
న్యూజిలాండ్తో జరిగిన టెస్టు సిరీస్ను 1-0 తేడాతో కైవసం చేసుకుంది టీమ్ఇండియా. తద్వారా ప్రపంచ టెస్టు ఛాంపియన్షిప్ రెండో ఎడిషన్ పాయింట్ల పట్టికలో మూడో స్థానానికి చేరింది.
IND vs NZ
WTC 2021-23 Points System: డబ్ల్యూటీసీ-2 (2021-2023) కోసం కొత్త పాయింట్ల పద్ధతిని ఇదివరకే ప్రకటించింది అంతర్జాతీయ క్రికెట్ కౌన్సిల్ (ఐసీసీ). పర్సెంటేజ్ ఆఫ్ పాయింట్ల ప్రకారం జట్లకు ర్యాంకులు ఇవ్వనున్నట్లు తెలిపింది. గెలిచిన ప్రతి మ్యాచ్కు 12 పాయింట్లు వస్తాయని వెల్లడించింది.
ఈ కొత్త పద్ధతి ప్రకారం గెలిచిన ప్రతి మ్యాచ్కు 12 పాయింట్లు, పర్సెంటేజ్ రూపంలో 100 పాయింట్లు ఇస్తారు. టై అయితే (6 పాయింట్లు, 50 శాతం), డ్రా (4 పాయింట్లు, 33.33 శాతం), ఓడిన మ్యాచ్కు (0 పాయింట్లు, 0 శాతం) ఉంటాయి. మ్యాచ్ల సంఖ్య ఆధారంగా సిరీస్ పాయింట్లను కేటాయిస్తారు.