హైదరాబాద్లోని ఉప్పల్ వేదికగా జరిగిన తొలి వన్డేలో కివీస్ సేనను ఓడించిన టీమ్ ఇండియా సంబరాలు చేసుకుంటోంది. ప్రస్తుతం ఫుల్ జోష్లో ఉన్న మనోళ్లు.. తమ రెండో మ్యాచ్ కోసం ఛత్తీస్గఢ్లోని మ్యాచ్ వేదికైన రాయ్పుర్లోకి అడుగుపెట్టారు. ప్రత్యర్థి జట్టు కూడా అక్కడికి చేరుకుంది. ఈ క్రమంలో ఆయా జట్లకు అక్కడ ఘన స్వాగతం లభించింది. సంప్రదాయ నృత్యల నడుమ టీమ్ఇండియాతో పాటు న్యూజిలాండ్ టీమ్ను హోటల్‌ సిబ్బంది ఘనంగా ఆహ్వానించింది. కివీస్ జట్టుకు సైతం అదే స్థాయిలో అతిథి సత్కారాలు చేసింది.
IND VS NZ: రాయ్పుర్ చేరుకున్న టీమ్ఇండియా.. సంప్రదాయ నృత్యాలతో ఘన స్వాగతం!
ఉప్పల్ వేదికలో కివీస్తో జరిగిన తొలి వన్డేలో చితక్కొట్టిన టీమ్ ఇండియా.. అదే జోరుతో రెండో వన్డేకు సిద్ధమౌతోంది. ఈ క్రమంలో ఇరు జట్లు ఛత్తీస్గఢ్లోని రాయ్పుర్కు చేరుకున్నాయి. అక్కడ వారికి ఘన స్వాగతం లభించింది.
team india at raipur
దీనికి సంబంధించిన వీడియోలను బీసీసీఐ, బ్లాక్‌కాప్స్‌ తమ సోషల్‌ మీడియాల ఖాతాల్లో షేర్‌ చేయగా ఇప్పుడవి నెట్టింట వైరలవుతున్నాయి . కాగా మూడు వన్డే, మూడు టీ20ల సిరీస్‌ల కోసం న్యూజిలాండ్ భారత పర్యటనకు వచ్చిన విషయం తెలిసిందే. ఇందులో భాగంగా టీమిండియా- కివీస్ మధ్య బుధవారం హైదరాబాద్లోని ఉప్పల్ వేదికగా తొలి వన్డే జరిగింది.
ఆఖరి వరకు ఉత్కంఠ రేపిన మ్యాచ్‌లో ఎట్టకేలకు 12 పరుగుల తేడాతో రోహిత్ సేన 1-0తో ఆధిక్యంలో విజయాన్ని ముద్దాడింది .ఇక ఇరు జట్ల మధ్య రాయ్‌పుర్‌లోని షాహీద్‌ వీర్‌ నారాయణ్‌ సింగ్‌ అంతర్జాతీయ స్టేడియంలో రెండో మ్యాచ్ జరుగనుంది. ఇందుకోసం శుక్రవారం మధ్యాహ్నం నుంచే టీమ్ ఇండియా ప్రాక్టీస్ను ప్రారంభించనుంది.