టీ20 వరల్డ్‌కప్‌ 2022లో భాగంగా నరాలు తెగే ఉత్కంఠతో సాగిన భారత్-పాక్ మ్యాచ్లో విరాట్‌ వీరోచితంగా పోరాడి జట్టుకు మరపురాని విజయాన్నందించాడు. అయితే ఈ మ్యాచ్ వ్యూయర్షిప్ పరంగా ఓ సూపర్ రికార్డును సాధించింది. రికార్డు వ్యూయర్‌షిప్‌తో సరికొత్త చరిత్ర లిఖించింది. ఓటీటీ ఫ్లాట్‌ఫామ్ డిస్నీ హాట్ స్టార్స్ గత రికార్డులన్నిటినీ బ్రేక్ చేస్తూ ఆల్‌టైమ్ రికార్డు నమోదు చేసింది.
ఈ మ్యాచ్ను డిజిటల్‌ ప్లాట్‌ఫాంపై ఏకంగా కోటి 80 లక్షల మంది వీక్షించారు. డిజిటల్‌ ప్లాట్‌ఫాం చరిత్రలో ఇదే అత్యధికం. ఈ ఏడాది ఆసియా కప్‌లో జరిగిన భారత్-పాక్ మ్యాచ్‌కు కోటి 30 లక్షల వ్యూస్‌ లభించగా.. తాజాగా జరిగిన మ్యాచ్లో ఆ రికార్డును బ్రేక్ చేసి డిజిటల్‌ ప్లాట్‌ఫాంపై సరికొత్త చరిత్ర సృష్టించింది.