అడిలైడ్ వేదికగా నవంబరు 10న టీమ్ఇండియా-ఇంగ్లాండ్ మధ్య కీలక సెమీస్ పోరు జరగనుంది. ఈ మ్యాచ్లో గెలిచేందుకు ఇరు జట్లు విపరీతంగా కసరత్తులు చేస్తున్నాయి.
అయితే మ్యాచ్‌కు వేదిక అయిన అడిలైడ్ ఓవల్‌ విషయానికొస్తే.. ఈ పిచ్‌ స్పిన్నర్లకు సహకరించే అవకాశం ఉందని తెలుస్తోంది. అలాగే ఈ స్టేడియంతో స్టార్ బ్యాటర్ కోహ్లీకి మంచి అనుబంధం ఉంది. ఎందుకంటే ఈ వేదికపై విరాట్కు మంచి రికార్డు ఉంది. ఇక్కడ మ్యాచ్ అంటేనే కింగ్‌కు పూనకమే! ఇక్కడ అతడు ఆడిన 14 ఇన్నింగ్స్‌ల్లో (మూడు ఫార్మాట్లలో కలిపి) 75.5 సగటున 907 పరుగులు సాధించాడు.