PAK VS ENG: ఆదివారమే టీ20 ప్రపంచ కప్ ఫైనల్.. విజేత ఎవరో?
T20 World Cup Pak Vs Eng: టీ20 ప్రపంచకప్‌ సమరం తుది దశకు చేరుకుంది. ఆదివారం జరిగే టైటిల్‌ పోరులో పాకిస్థాన్‌, ఇంగ్లాండ్ తలపడనున్నాయి. మరి గతంలో ఈ రెండు జట్ల ప్రదర్శన గురించి పది పాయింట్లలో తెలుసుకుందాం.
T20 World Cup Pak Vs Eng
T20 World Cup Pak Vs Eng: గతంలో ఎన్నడూ లేని విధంగా సంచలనాలు నమోదైన ఈ టీ20 ప్రపంచకప్‌ సమరం తుది దశకు చేరుకుంది. ఆదివారం జరిగే టైటిల్‌ పోరులో పాకిస్థాన్‌, ఇంగ్లాండ్ తలపడనున్నాయి. ఈ మ్యాచ్‌కు మెల్‌బోర్న్‌క్రికెట్ మైదానం అతిథ్యం ఇవ్వనుంది. మరి గతంలో ఈ రెండు జట్ల ప్రదర్శన గురించి పది పాయింట్లలో తెలుసుకుందాం.
- ఈ రెండు జట్ల మధ్య ఇప్పటివరకు 28 టీ20 మ్యాచ్‌లు జరిగాయి. 18 మ్యాచ్‌ల్లో ఇంగ్లాండ్, 9 మ్యాచ్‌ల్లో పాకిస్థాన్‌ విజయం సాధించాయి. ఒక దాంట్లో ఫలితం తేలలేదు.
- చివరి ఐదు మ్యాచ్‌ల్లో ఇంగ్లాండ్ మూడుసార్లు విజయం సాధించగా.. పాక్‌ రెండింటిలో గెలుపొందింది. ప్రపంచకప్‌నకు ముందు ఈ రెండు జట్ల మధ్య జరిగిన 7 టీ20 మ్యాచ్‌ల సిరీస్‌లో రెండో టీ20లో ఇంగ్లాండ్ నిర్దేశించిన 200 పరుగుల లక్ష్యాన్ని పాక్‌ వికెట్ కోల్పోకుండా ఛేదించడం విశేషం.
- టీ20 ప్రపంచకప్‌లో ఈ ఇరుజట్లు రెండుసార్లు (2009, 2010) తలపడ్డాయి. ఈ రెండు మ్యాచ్‌ల్లోనూ ఇంగ్లాడే విజయం సాధించడం విశేషం.
- తొలి మ్యాచ్‌లో మొదట బ్యాటింగ్‌ చేసిన ఇంగ్లాండ్ 185/5 స్కోరు చేయగా.. లక్ష్యఛేదనలో పాక్‌ 137/7కే పరిమితమైంది. దీంతో ఇంగ్లాండ్ 48 పరుగుల తేడాతో విజయం సాధించింది.
- రెండో మ్యాచ్‌లో తొలుత బ్యాటింగ్‌ చేసిన పాకిస్థాన్‌ నిర్ణీత 20 ఓవర్లలో 147/9 స్కోరు సాధించింది. ఈ లక్ష్యాన్నిఇంగ్లాండ్‌ 19.3 ఓవర్లలో నాలుగు వికెట్లు కోల్పోయి ఛేదించింది.
- పాక్‌పై ఇంగ్లాండ్ తరఫున అత్యధికంగా ఇయాన్‌ మోర్గాన్‌ (427) పరుగులు చేయగా.. అదిల్‌ రషీద్‌ (17) వికెట్లు పడగొట్టాడు. ఇంగ్లాండ్‌పై పాకిస్థాన్‌ తరఫున అత్యధికంగా బాబర్‌ అజామ్ (560) పరుగులు చేయగా.. హారిస్‌ రవూఫ్‌ (14) వికెట్లు తీశాడు.
- టీ20ల్లో పాక్‌పై ఇంగ్లాండ్ అత్యధిక స్కోరు 221 కాగా.. అత్యల్ప స్కోరు 135. ఇంగ్లాండ్‌పై పాకిస్థాన్‌ అత్యధిక స్కోరు 232 కాగా.. అత్యల్ప స్కోరు 89.
- టీ20 ప్రపంచకప్‌లో పాకిస్థాన్‌ ఫైనల్‌కి చేరుకోవడం ఇది మూడోసారి. 2007లో భారత్‌ చేతిలో ఓడి రన్నరప్‌గా నిలవగా.. 2009 ఫైనల్‌లో శ్రీలంకను మట్టికరిపించి టైటిల్‌ని ఎగరేసుకుపోయింది.
- పాకిస్థాన్‌ మూడుసార్లు సెమీస్‌కు చేరుకుంది. 2010, 2021లో ఆస్ట్రేలియాపై, 2012లో శ్రీలంక చేతిలో ఓడిపోయింది.
- ఇంగ్లాండ్ కూడా ఫైనల్ చేరుకోవడం ఇది మూడోసారి. 2010లో ఆస్ట్రేలియాని ఓడించి విశ్వవిజేతగా నిలవగా.. 2016 ఫైనల్‌లో వెస్టిండీస్‌ చేతిలో ఓటమిపాలై రన్నరప్‌గా నిలిచింది. 2021లోసెమీస్‌కు చేరింది.