ఈ టీ20 ప్రపంచకప్(T20 worldcup 2021 schedule) టోర్నీలో టీమ్ఇండియా అన్ని విభాగాల్లో పటిష్టంగా ఉందని, దీంతో ఆ జట్టు టైటిల్ విజేతగా నిలవడానికి ఫేవరెట్‌గా అనిపిస్తుందని ఆస్ట్రేలియా స్టార్ బ్యాట్స్మన్ స్టీవ్స్మిత్ అభిప్రాయపడ్డాడు. బుధవారం రాత్రి ఆస్ట్రేలియా, భారత్‌ జట్ల(aus ind warm up match) మధ్య రెండో వార్మప్ మ్యాచ్ జరిగింది. ఇక్కడ భారత్‌ తొమ్మిది వికెట్ల తేడాతో ఘన విజయం సాధించి ఈనెల 24న చిరకాల ప్రత్యర్థి పాకిస్థాన్‌తో తలపడేముందు పూర్తి ఆత్మవిశ్వాసం పెంపొందించుకుంది. ఈ నేపథ్యంలోనే మ్యాచ్ అనంతరం స్మిత్ మాట్లాడాడు.
"టీమ్ఇండియా అద్భుతమైన జట్టు. అన్ని విభాగాల్లో పటిష్టంగా ఉంది. అందులో అనేకమంది మ్యాచ్ విన్నర్లు ఉన్నారు. అలాగే ఆ జట్టు ఆటగాళ్లంతా చాలా రోజులుగా ఇక్కడ ఐపీఎల్‌ ఆడారు. దీంతో ఇక్కడి పరిస్థితులకు అలవాటు పడ్డారు. ఈ క్రమంలోనే టీమ్ఇండియా టైటిల్ ఫేవరెట్‌గా కనిపిస్తోంది" అని స్మిత్(t20 world cup aus vs ind) అన్నాడు.