క్రికెట్లో.. ఫోర్లు, సిక్స్లతో బ్యాటర్ల ధనాధన్ ఇన్నింగ్స్, బౌలర్ల మ్యాజిక్ బౌలింగ్, సూపర్ క్యాచ్లతో ఫీల్డర్ల విన్యాసాలు చూస్తూనే ఉంటాం. తాజాగా అలాంటివే రెండు మ్యాచుల్లో నమోదయ్యాయి. ఓ భారీ సిక్సర్, కళ్లు చెదిరే సూపర్ క్యాచ్ నమోదైంది. దీనికి సంబంధించిన వీడియోలు కూడా నెట్టింట్లో ట్రెండ్ అవుతున్నాయి. అది చూసిన క్రికెట్ అభిమానులను ప్లేయర్లను ప్రశంసించకుండా ఉండలేకపోతున్నారు.
major league cricket 2023 :భారీ సిక్సర్... మేజర్ లీగ్ క్రికెట్ - 2023లో ఆదివారం వాషింగ్టన్ ఫ్రీడమ్‌ - టెక్సాస్ సూపర్ కింగ్స్ మధ్య మ్యాచ్ జరిగింది. ఇందులో టెక్సాస్ సూపర్ కింగ్స్ ఓడిపోయింది. 6 పరుగుల తేడాతో పరాజయం అందుకుంది. 163 లక్ష్యంతో బరిలోకి దిగిన టెక్సాస్ సూపర్ కింగ్స్.. నిర్ణీత 20 ఓవర్లలో 7 వికెట్లు కోల్పోయి 157 పరుగులు మాత్రమే చేసింది. ఆల్‌రౌండర్‌ డ్వేన్‌ బ్రావో 39 బంతుల్లో 76 పరుగులు చేసినప్పటికీ వృథా అయిపోయింది. కెప్టెన్‌ డుప్లెసిస్‌, డెవాన్‌ కాన్వే సహా మిగతా వారు ఫెయిల్ అయ్యారు. ఓ దశలో 73 పరుగులకే 5 వికెట్లు కోల్పోయి కష్టాల్లో పడిన సూపర్ కింగ్స్ను.. క్రీజులోకి ఎంట్రీ ఇచ్చి ప్రత్యర్ది బౌలర్లకు చెమటలు పట్టించాడు బ్రావో. 5 ఫోర్లు, 6 సిక్స్‌లు బాదాడు. ఆఖరి ఓవర్‌లో విజయానికి 27 పరుగులు అవసరమవ్వగా.. 20 పరుగులు చేశాడు. కానీ ఆరు పరుగులు చేయలేకపోవడం వల్ల జట్టు ఓడిపోయింది.
dj bravo six : అయితే తన ఇన్నింగ్స్లో బ్రావో.. ఓ భారీ సిక్సర్ బాదాడు. ఇన్నింగ్స్ 17 ఓవర్‌ అన్రిచ్‌ నోర్జే బౌలింగ్‌లో.. ఏకంగా 103 మీటర్ల భారీ సిక్స్ బాదాడు. నోర్జే షార్ట్‌పిచ్‌ డెలివరీ సంధించగా.. బ్రావో లాంగ్ ఆన్ మీదుగా భారీ షాట్‌ కొట్టాడు. ఆ బంతి కాస్త స్టేడియం బయట పడింది. దీనికి సంబంధించిన వీడియో ట్రెండ్ అవుతోంది.
Imam ul haq catch : సూపర్ క్యాచ్.. ఇక పాకిస్థాన్-శ్రీలంక జట్ల మధ్య జరిగిన తొలి టెస్టులో కళ్లు చెదిరే క్యాచ్ నమోదైంది. పాక్‌ ప్లేయర్ ఇమామ్‌ ఉల్‌ హాక్‌ ఈ క్యాచ్ను ఒడిసిపట్టాడు. షార్ట్‌ లెగ్‌లో ఫీల్డింగ్‌ చేస్తున్న అతడు.. గాల్లోకి ఎగిరి అద్భుతమైన డైవింగ్‌ క్యాచ్ తన చేతిలోకి అందుకున్నాడు. అఘా సల్మాన్‌ బౌలింగ్‌లో సమరవిక్రమ బంతిని బాదగా.. ఇమామ్‌ ఈ సూపర్ క్యాచ్ పట్టాడు. ఇమామ్‌ ఫీట్కు ఫిదా అయిపోయిన క్రికెట్ అభిమానులు అతడిని ప్రశంసించకుండా ఉండలేకపోతున్నారు. వాటే క్యాచ్ అంటూ లైక్స్ కొడుతూ తెగ కామెంట్లు పెడుతున్నారు.