చెమటోడ్చుతున్న టీమ్​ఇండియా మహిళా క్రికెటర్స్​

ఇంగ్లాండ్​ సిరీస్​ కోసం టీమ్​ఇండియా మహిళా ఆటగాళ్లు జిమ్​లో చెమటలు చిందిస్తున్నారు. ఫిట్​నెస్​ పెంచుకునేందుకు వర్కౌట్స్​ చేస్తున్నారు. దానికి సంబంధించిన వీడియోను బీసీసీఐ సామాజిక మాధ్యమాల్లో పంచుకుంది.

ఇంగ్లాండ్‌ పర్యటనకు టీమ్‌ఇండియా మహిళా ఆటగాళ్లు సిద్ధమవుతున్నారు. ప్రస్తుతం క్వారంటైన్​లో ఉన్న వారు తమ సమయాన్ని కొంచెం కూడా వృథా చేయడం లేదు. దేహధారుడ్యాన్ని పెంచుకుంటూ ఫిట్‌గా ఉండేందుకు తీవ్రంగా కసరత్తులు చేస్తున్నారు. జిమ్‌లో వర్కౌట్స్‌ చేస్తూ చెమటలు చిందిస్తున్నారు. తాజాగా ఆ వర్కౌట్స్‌కు సంబంధించిన వీడియో బీసీసీఐ తన అధికారిక ట్విట్టర్​లో గురువారం పోస్టు చేసింది. 'షట్​ ది నాయిస్​' అని వ్యాఖ్య రాసుకొచ్చింది.

ఈ వీడియోలో సారథి మిథాలీ రాజ్​, హర్మన్​ప్రీత్​ కౌర్​, షెఫాలీ వర్మ, రాధా యదవ్​, పూనమ్​ యాదవ్​, దీప్తి శర్మ తదితరులు వర్కౌట్స్‌ చేస్తూ చెమటోడ్చుతున్నారు. ఈ పర్యటనలో టీమ్​ఇండియా ఓ టెస్టు, మూడు వన్డేలు, మూడు టీ20లు ఆడనుంది. ఈ సిరీస్​ జూన్​ 16 నుంచి ప్రారంభంకానుంది.

ఇదీ చూడండి భారత క్రికెటర్​ను గ్రౌండ్​లోనే ముద్దాడిన యువతి!