టీమ్ఇండియా, పాకిస్థాన్ మ్యాచ్(India vs Pakistan world cup 2021) అంటే అభిమానులకు ఉండే ఆసక్తి అంతా ఇంతా కాదు. అయితే.. అక్టోబర్ 24న ఈ మ్యాచ్ జరగనున్న నేపథ్యంలో క్రికెట్ దిగ్గజాలు యూఏఈకి చేరుకున్నారు. ఈ సందర్భంగా టీమ్ఇండియా లెజెండ్స్ కపిల్ దేవ్, సునీల్ గావస్కర్లతో సరదాగా గడుపుతున్న ఓ ఫొటోను పోస్ట్ చేశాడు పాకిస్థాన్ మాజీ క్రికెటర్ షోయబ్ అక్తర్(shoaib akhtar news). ఈ ట్విట్టర్ పోస్ట్కు ఓ ఆసక్తికరమైన కాప్షన్ జోడించాడు.
"అత్యుత్తమ ఆటగాళ్లతో చిల్ కొడుతున్నా. ద గ్రేట్ జహీర్ అబ్బాస్, సునీల్ గావస్కర్, కపిల్ దేవ్తో సమయం గడిపాను. క్రికెట్ మహాసంగ్రామానికి సమయం ఆసన్నమైంది."
--షోయబ్ అక్తర్, పాకిస్థాన్ మాజీ క్రికెటర్.
ఈ ట్వీట్ ప్రస్తుతం సామాజిక మాధ్యమాల్లో వైరల్గా మారింది. అయితే.. వరల్డ్ కప్ మ్యాచ్ల్లో పాకిస్థాన్ ఎప్పుడూ భారత్ను ఓడించలేదు. ఈ నేపథ్యంలో దుబాయ్ వేదికగా టీమ్ఇండియాను తప్పకుండా ఓడిస్తామని ఇటీవలే పాకిస్థాన్ సారథి బాబర్ ఆజామ్ వ్యాఖ్యానించాడు.