Shikhar Dhawan mimics Rohit: టీమ్ఇండియా టీ20 కెప్టెన్ రోహిత్ శర్మను ఇమిటేట్ చేశాడు బ్యాట్స్మన్ శిఖర్ ధావన్. దీనితో పాటే స్టాన్స్బీమ్ బృందం చేసిన ప్రత్యేక ఇంటర్వ్యూలో పలు ఆసక్తికరమైన విషయాలు వెల్లడించాడు.
ఇటీవలే గబ్బర్ను ఇమిటేట్ చేస్తూ టీమ్ఇండియా టెస్టు కెప్టెన్ విరాట్ కోహ్లీ నెట్టింట సందడి చేశాడు. ఈ నేపథ్యంలో భారత జట్టులో ఎవరినైనా ఇమిటేట్ చేయాలనుకుంటున్నారా? అని గబ్బర్ను అడగ్గా.. రోహిత్ పేరు చెప్పాడు. డ్రెస్సింగ్ రూమ్లో కూర్చుని ఉన్నప్పుడు రోహిత్ ముఖ కవళికలు భిన్నంగా ఉంటాయని చెప్పాడు. అతడిలా ఫేస్ ఎక్స్ప్రెషన్ పెట్టి చూపించాడు.
యువ బ్యాటర్ శ్రేయస్ అయ్యర్ టీమ్ఇండియాలో ఉత్తమ డ్యాన్సర్ అని శిఖర్ ధావన్ అభిప్రాయపడ్డాడు. మెరుగైన బ్యాటింగ్ చేయడంలో స్టాన్స్బీమ్ సెన్సార్ బాగా ఉపయోగపడిందని తెలిపాడు.
నెగటివ్ థింకింగ్ అంటే విపరీతంగా భయమని చెప్పాడు శిఖర్. అందుకే నెగటివ్ ఆలోచనలకు వీలైనంత దూరంలో ఉండేందుకే ప్రయత్నిస్తాడని చెప్పుకొచ్చాడు.