టీమిండియా ఆటగాడు శిఖర్ ధావన్, అయేషా ముఖర్జీ దంపతులు(Shikhar dhawan) అభిమానులు షాక్ ఇచ్చారు. వీరిద్దరూ విడిపోయారు. ఈ విషయాన్ని అయేషా ముఖర్జీ ఇన్స్టాగ్రామ్లో పోస్టు చేసింది. రెండో సారి విడాకులు తీసుకునే వరకు విడాకులు అనే పదం తనకు చెత్త పదంగా అనిపించేదని ఆమె పేర్కొంది. విడాకుల విషయంపై శిఖర్ ధావన్ ఇంతవరకు స్పందించలేదు.
మెల్‌బోర్న్‌ బాక్సర్‌ అయిన అయేషా ముఖర్జీతో ధావన్ ప్రేమలో పడ్డాడు. దీంతో 2012లో వీరు వివాహ బంధంతో ఒక్కటయ్యారు. అయేషా ముఖర్జీకి గతంలోనే పెళ్లి జరిగి ఇద్దరు పిల్లలు ఉన్నారు. శిఖర్ ధావన్‌తో వివాహం జరిగాక 2014లో వారికి ఒక బాబు(జొరావర్‌) పుట్టాడు. దాదాపు 9 ఏళ్ల అనంతరం శిఖర్ జంట తమ వైవాహిక బంధానికి స్వస్తి పలికింది.
"వివాహం, విడాకులు అనే పదాలు చాలా శక్తివంతమైన అర్థాలు కలిగి ఉంటాయి.మొదటిసారి విడాకులు తీసుకున్నప్పుడు చాలా భయపడ్డాను. జీవితంలో విఫలమైనట్లు, తప్పుచేస్తున్నట్లుగా భావించాను. నా తల్లిదండ్రులను, పిల్లలను నిరాశకు గురిచేసినట్లు అనుకున్నాను. ఇక రెండోసారి విడాకులు తీసుకోవడం అనేది ఊహించుకుంటే భయంకరంగా ఉంది. ఈ సమయంలో నన్ను నేను మళ్లీ నిరూపించుకోవాలి."