మార్చి 31న జరగబోయే ఐపీఎల్-2023 సీజన్లో కేకేఆర్ జట్టు కెప్టెన్గా టీమ్ఇండియా స్టార్ ఆల్రౌండర్ శార్దూల్ ఠాకూర్ను ఎంపికే చేసే యోచనలో ఉన్నారు కోల్కతా ఫ్రాంచైజీ సెలెక్టర్లు. వాస్తవానికి ఈ ఏడాది జరగనున్న ఐపీఎల్ సీజన్లో కోల్కతా నైట్‌రైడర్స్కు కెప్టెన్గా స్టార్ బ్యాటర్ శ్రేయస్ అయ్యర్‌ను ఎంపిక చేశారు. కానీ, గత కొంతకాలంగా శ్రేయస్ వెన్ను నొప్పి సమస్యతో బాధపడుతున్నాడు. ఈ కారణంతో.. ఆస్ట్రేలియాతో జరిగిన తొలి టెస్టుకు కూడా దూరంగా ఉన్నాడు. అయితే నొప్పి నుంచి కాస్త కోలుకోవడంతో మూడో టెస్టులో ఆడేందుకు శ్రేయస్కు అవకాశం వచ్చింది. అయితే అహ్మదాబాద్‌ వేదికగా జరిగిన ఆఖరి టెస్టులో అయ్యర్‌ను గాయం మళ్లీ ఇబ్బంది పెట్టింది. దీంతో ఆ మ్యాచ్లో అతడు బ్యాటింగ్ చేయలేదు. తాజాగా ఆసీస్తో జరిగిన మూడు వన్డేల సిరీస్కు కూడా శ్రేయస్ అయ్యర్ దురంగానే ఉన్నాడు.
కేకేఆర్ కెప్టెన్సీ రేసులో ఆ ఇద్దరి పేర్లు.. కొత్త సారథి ఎవరో?
ఐపీఎల్-2023 సీజన్లో కేకేఆర్ జట్టు కెప్టెన్ రేసులో టీమ్ఇండియా స్టార్ ఆల్రౌండర్ శార్దూల్ ఠాకూర్, సునీల్ నరైన పేర్లు వినిపిస్తున్నాయి. అయితే కోల్కతా శార్దూల్ ఠాకూర్ వైపే మొగ్గు చూపుతున్నట్లు తెలుస్తోంది. ఆ వివరాలు.
ఐపీఎల్ 2023 కేకేఆర్ కొత్త కెప్టెన్గా శార్దూల్ ఠాకూర్
ఇలా పదేపదే జట్టుకు దూరంగా ఉండడంతో తన వెన్నుముక సంబంధిత సమస్యకు ఆపరేషన్ చేయించుకోవాలని నేషనల్ క్రికెట్ అకాడమీ వైద్య బృందం అయ్యర్‌ను సూచించింది. కానీ, ఈ ఏడాది వన్డే ప్రపంచకప్‌ జరగనున్న నేపథ్యంలో అయ్యర్.. ఎన్సీఏ సలహాను పక్కకు పెట్టినట్లు తెలుస్తోంది. వీరి సూచన మేరకు ఒక వేళ అయ్యర్ సర్జరీ చేయించుకుంటే దాదాపు ఏడాదిపాటు ఆటకు దూరంగా ఉండాల్సి వస్తుంది. అయితే ప్రస్తుతం డాక్టర్ల సలహా మేరకు ఇంటి వద్దే విశ్రాంతి తీసుకుంటున్నాడు అయ్యర్. ఈ క్రమంలోనే ఈ ఏడాది జరిగే ఐపీఎల్‌కు అయ్యర్ దూరంగా ఉండనున్నాడు.
దీంతో శ్రేయస్ అయ్యర్ స్థానంలో కేకేఆర్కు కొత్త కెప్టెన్ను ఎంపిక చేసే ఆలోచనలో ఉన్నారు ఫ్రాంచైజీ సెలక్టర్లు. ఇక ఈ కెప్టెన్సీ రేసులో ఇప్పటికే పలువురు పేర్లు వినిపిస్తున్నాయి. అయితే తాజాగా ఈ రేసులో కేకేఆర్ జట్టు స్టార్ ఆల్‌రౌండర్లు శార్దూల్ ఠాకూర్తో పాటు సునీల్ నరైన్ పేర్లు కూడా వినిపిస్తున్నాయి. కానీ, యూఏఈ టీ20లీగ్‌లో కేకేఆర్ ఫ్రాంచైజీ అబుదాబి నైట్రైడర్స్ తరఫున సారథ్యం వహించిన సునీల్ నరైన్ పూర్తిగా విఫలమయ్యాడు. అతడి కెప్టెన్సీలోని నైట్రైడర్స్ కేవలం ఒక్క మ్యాచ్ను మాత్రమే గెలిచింది. దీంతో అతడిని కేకేఆర్ కెప్టెన్గా ఎంపిక చేయరనే ఊహాగానాలు వినిపిస్తున్నాయి. ఈ క్రమంలోనే నరైన్‌ను కాదని శార్దూల్ ఠాకూర్కే తమ జట్టు పగ్గాలు అప్పజెప్పాలని కేకేఆర్ జట్టు మేనెజ్‌మెంట్‌ భావిస్తున్నట్లు వార్తలు వస్తున్నాయి. తమ జట్టు కొత్త కెప్టెన్ పేరును ఒకట్రెండు రోజుల్లో కేకేఆర్ ప్రకటించే అవకాశం ఉందట. ఐపీఎల్-2023 మినీ వేలంకు ముందు దిల్లీ క్యాపిటల్స్‌ నుంచి ట్రేడింగ్‌ ద్వారా శార్దూల్‌ను రూ.10.75 కోట్లకు కోలకతా కొనుగోలు చేసింది. ఇక కేకేఆర్ తమ తొలి మ్యాచ్ను పంజాబ్‌ కింగ్స్‌తో ఏప్రిల్‌1న ఆడనుంది.
Last Updated : Mar 27, 2023, 6:14 PM IST