దిగ్గజ సచిన్ తెందూల్కర్ రికార్డుల గురించి, క్రికెట్లో అతడు సాధించిన ఘనతలు గురించి ఎంత చెప్పుకున్నా తక్కువే. అలాంటిది సచిన్ బ్యాట్తో పాక్ క్రికెటర్ వన్డేల్లో వేగవంతమైన సెంచరీ చేశాడంటే నమ్మగలరా? అవునా అని ఆశ్చర్యపోకండి.
1996లో పాక్ జట్టులోకి షాహీద్ అఫ్రిది అరంగేట్రం చేసినప్పుడు అతడి దగ్గర సరైన బ్యాట్ కూడా లేదు. దీంతో అప్పటి కెప్టెన్ వకార్ యూనిస్.. కెన్యాతో మ్యాచ్ సందర్భంగా తన దగ్గరున్న సచిన్ బ్యాట్ను అతడికి ఇచ్చాడు. ఆ తర్వాత ఆ మ్యాచ్లో రెచ్చిపోయిన యువ అఫ్రిది.. ఏకంగా 37 బంతుల్లో సెంచరీ చేసి, అప్పట్లో వన్డేల్లో వేగవంతమైన సెంచరీ రికార్డు సృష్టించాడు. మొత్తంగా ఇతడి ఇన్నింగ్స్లో 11 సిక్సులు, ఆరు ఫోర్లు ఉన్నాయి.