పీఎస్​ఎల్​ విజేతగా లాహోర్​.. కెప్టెన్​గా షహీన్​ అఫ్రిది రికార్డు

PSL Champion Shaheen Afridi :పాకిస్థాన్​ సూపర్​ లీగ్​ ఫైనల్​లో విజయం సాధించి తొలిసారి ట్రోఫిని ముద్దాడింది షహీన్​ అఫ్రిది సారథ్యంలోని లాహోర్​ ఖలందర్స్. దీంతో టీ20 లీగ్​ టైటిల్​ గెలిచిన అతిపిన్న వయస్కుడిగా అతడు ఘనత సాధించాడు.

PSL Champion Shaheen Afridi: పాకిస్థాన్​ పేసర్​ షహీన్​ అఫ్రిది అరుదైన రికార్డు సాధించాడు. టీ20 లీగ్ టైటిల్​​ గెలిచిన అతి పిన్న వయస్కుడిగా ఘనత సాధించాడు.

పాకిస్థాన్​ సూపర్​ లీగ్​లో భాగంగా ఆదివారం జరిగిన ఫైనల్​లో ముల్తాన్​ సుల్తాన్​తో జరిగిన మ్యాచ్​లో అఫ్రిది సారథ్యంలోని లాహోర్ ఖలందర్స్‌​ విజయం సాధించింది. ఈ మెగాలీగ్​లో తొలిసారి ట్రోఫీని ముద్దాడింది. 21 ఏళ్ల వయస్సులోనే అఫ్రిది ఈ ఘనతను అందుకోవడం విశేషం.

అంతకుముందు ఆస్ట్రేలియా మాజీ కెప్టెన్​ స్టీవ్​ స్మిత్​ పేరిట ఈ రికార్డు ఉంది. అతడు 2012లో 22ఏళ్ల వయసులో బిగ్​బాష్​ లీగ్​ గెలిచాడు.

కాగా, ఈ ఫైనల్​ మ్యాచ్​లో లాహోర్​ జట్టు 42 పరుగులు తేడాతో గెలుపొందింది. హఫీజ్​(69) టాప్​ స్కోరర్​. హ్యారీ బ్రూక్​(41), వీస్​(28), కమ్రన్​ ఘులమ్​(15) పరుగులు చేశారు. ప్రత్యర్థి జట్టులో అసీఫ్​ అఫ్రిది 3, విల్లీ, ఎస్​ దహాని తలో వికెట్​ దక్కించుకున్నారు.

అఫ్రిది.. అంతకుముందు ఎప్పుడూ కెప్టెన్​గా వ్యవహరించలేదు. ఈ సీజన్​ పీఎస్​ఎల్​ ప్రారంభానికి ముందు లాహోర్​ ఫ్రాంచైజీ అతడిని సారథిగా నియమించింది. ఈ టైటిల్​ విజయంతో లాహోర్​ యాజమాన్యం తీసుకున్న నిర్ణయం సరైనదేనని నిరూపించాడు.

ఇదీ చదవండి:ఆ విషయం గురించి తర్వాత ఆలోచిస్తాం: రోహిత్​ శర్మ