Sharukh khan stadium: బాలీవుడ్ స్టార్ హీరో, ఐపీఎల్ కోల్కతా నైట్ రైడర్స్ యజమాని షారుక్ ఖాన్ అమెరికాలోని లాస్ ఏంజెల్స్లో పెద్ద క్రికెట్ స్డేడియం నిర్మించబోతున్నారా? అంటే అవుననే సమాధానం వినిపిస్తోంది. యూఎస్లోని మేజర్ లీగ్ క్రికెట్ టీ20తో(ఎంఎల్సీ) కలిసి బాద్షాకు చెందిన కోల్కతా నైట్ రైడర్స్ గ్రూప్(కేఆర్జీ) దక్షిణా క్యాలిఫోర్నియాలో భారీ వ్యయంతో వరల్డ్ క్లాస్ స్డేడియాన్ని నిర్మించేందుకు ఒప్పందం కుదుర్చుకుందని ఇంగ్లీష్ మీడియాలో కథనాలు వస్తున్నాయి. అంతర్జాతీయ ప్రమాణాలతో కూడిన అత్యాధునిక సౌకర్యాలతో దీన్ని నిర్మిస్తున్నారు. ఈ మైదానం సీటింగ్ సామర్థ్యం గురించి వివరాలు తెలియలేదు.
భారీ క్రికెట్ స్టేడియం నిర్మించనున్న షారుక్ ఖాన్!
Sharukh khan stadium: అమెరికన్ క్రికెట్ లీగ్లో భాగస్వామ్యమైన బాలీవుడ్ స్టార్ షారుక్ ఖాన్కు చెందిన క్రికెట్ ఫ్రాంచైజీ నైట్ రైడర్స్.. ఇప్పుడు యూఎస్ఏలో ఓ భారీ స్డేడియాన్ని నిర్మించబోతున్నట్లు తెలిసింది. ఆ వివరాలు..
షారుక్ స్డేడియం
దీని గురించి షారుక్ మాట్లాడుతూ.. "రాబోయే కాలంలో అమెరికాలో క్రికెట్ అభివృద్ధి చెందుతుందనే నమ్మకంతో ఎంఎల్సీతో కలిసి పెట్టుబడులు పెడుతున్నాం. ఈ ప్రయత్నం వల్ల మా నైట్ రైడర్స్కు అంతర్జాతీయ గుర్తింపు వస్తుంది. లాస్ ఏంజెల్స్కు సమీపంలో ఎంఎల్సీతో కలిసి అంతర్జాతీయ స్డేడియాన్ని నిర్మించాలని భావిస్తున్నాం" అని పేర్కొన్నట్లు కథనాలు వచ్చాయి. కాగా, షారుక్ చెందిన క్రికెట్ ఫ్రాంచైజీ నైట్ రైడర్స్.. అమెరికన్ టీ20 లీగ్లో భాగస్వామి కానున్నట్లు గతంలోనే అమెరికన్ క్రికెట్ ఎంటర్ప్రైజ్ తెలిపింది. దానికి లాస్ ఏంజెలిస్ నైట్ రైడర్స్ అని నామకరణం కూడా చేశారు.
ఇదీ చూడండి: జడ్డూకు దాని గురించి ముందే తెలుసు.. అయినా..: ధోనీ