Satya Nadella World Cup Updates :ఇటీవల ముగిసిన ఐసీసీ వన్డే వరల్డ్ కప్లో భారత్ను ఓడించి ఆస్ట్రేలియా ఆరోసారి టైటిల్ గెలిచింది. అయితే ఇప్పటికీ ఆ మెగా టోర్నీకి సంబంధించిన ఏదో ఒక వార్త బయటకు వస్తూనే ఉంది. తాజాగా ఆంగ్ల మీడియా సంస్థ న్యూయార్కర్ రాసిన ఓ ఆర్టికల్లో వరల్డ్కప్ సమయంలో జరిగిన ఓ ఆసక్తికర సంఘటనను ప్రస్తావించింది.
వరల్డ్ కప్ సమయంలో వ్యాపారులు, సినీ తారల దగ్గరనుంచి సాధారణ ప్రజల వరకు ఉత్కంఠతో టీవీలు, ఫోన్లకు అతుక్కుపోయారు. ఎవరు గెలుస్తారో అని ఆసక్తిగా మ్యాచ్ను చూశారు. ఇక ఆ సమయంలో ముఖ్యమైన పనుల్లో బిజీ అయిపోయినవారి ఆలోచన కూడా మ్యాచ్ పైనే ఉంది. ప్రముఖ టెక్ దగ్గజం మైక్రోసాఫ్ట్ ఛైర్మన్ సత్య నాదెళ్లకు క్రికెట్ అంటే ప్రాణం. వరల్డ్ కప్ ఫైనల్ సమయంలో ఆయన ఓపెన్ ఏఐ ప్రాజెక్టుకు సంబంధించిన ఇంటెన్స్ మీటింగ్లో ఉన్నారు. ఆ సమయంలోనూ ఫైనల్ అప్డేట్స్ ఆయన మిస్ కాలేదట. ఆ మీటింగ్లో పాల్గొన్న సభ్యుల టెన్షన్ పోగొట్టేందుకు వరల్డ్ కప్ ఫైనల్లో విరాట్ కోహ్లీ ప్రదర్శన గురించి అప్డేట్స్ ఇచ్చారట నాదెళ్ల. ఆ న్యూస్ ఆర్టికల్కు సంబంధించిన ఫొటో సోషల్ మీడియాలో వైరల్ అవుతోంది.