సంజూ శాంసన్ అభిమానులకు బ్యాడ్ న్యూస్. తొలి వన్డేలో గాయపడిన సంజూ.. గురువారం పుణె వేదికగా శ్రీలంకతో జరగనున్న రెండో టీ20లో ఆడటం అనుమానంగా మారింది. రెండో టీ20 కోసం భారత జట్టు ముంబయి నుంచి పుణె బయల్దేరి వెళ్లగా... మోకాలి నొప్పితో బాధపడుతున్న శాంసన్ స్కానింగ్ కోసం ముంబయిలోనే ఉండిపోయాడు.
శ్రీలంకతో జరిగిన తొలి వన్డేలో.. తొలి ఓవర్లోనే క్యాచ్ అందుకునే ప్రయత్నంలో శాంసన్ డైవ్ చేశాడు. బంతిని అందుకున్నప్పటికీ.. దాన్ని ఒడిసిపట్టుకోలేకపోయాడు. ఆ సమయంలోనే అతడి మోకాలికి దెబ్బ తాకింది. అయినా ఆ తర్వాత ఫీల్డింగ్ చేశాడు. కానీ తర్వాత మోకాలు వాపు రావడం వల్ల చికిత్స తీసుకోవాల్సి వచ్చింది. దీంతో రెండో మ్యాచ్‌‌లో శాంసన్ ఆడేది అనుమానంగా మారింది. మెడికల్ టీం స్కానింగ్ రిపోర్టులను పరిశీలించిన తర్వాతే మేనేజ్‌మెంట్ అతడిని ఆడించే విషయంలో నిర్ణయం తీసుకోనుంది.