Sachin Tendulkar Thanks Police: దిగ్గజ క్రికెటర్, మాస్టర్ బ్లాస్టర్ సచిన్ తెందుల్కర్ మరోసారి ఉదారతను చాటుకున్నారు. రోడ్డుప్రమాదానికి గురైన తన స్నేహితురాలి ప్రాణాలను కాపాడినందుకు ఓ ట్రాఫిక్ పోలీస్కు కృతజ్ఞతలు తెలిపారు.
ఇలాంటి వారివల్లే.. ప్రపంచం అద్భుతంగా ఉందన్నారు. ఈ మేరకు ట్విట్టర్లో ఈ సంఘటనను ఫ్యాన్స్తో షేర్ చేసుకున్నారు.
"కొన్నిరోజుల క్రితం నాకు అత్యంత దగ్గరైన ఓ స్నేహితురాలు ఘోరమైన రోడ్డుప్రమాదానికి గురైంది. దేవుడి దయవల్ల ఆమె ప్రస్తుతం కోలుకుంటోంది. ఓ ట్రాఫిక్ పోలీస్ సరైన సమయంలో స్పందించడం వల్ల ఆమె ప్రాణాలు నిలబడ్డాయి. ఆ ట్రాఫిక్ పోలీస్.. ఓ ఆటోలో ఆమెను ఆస్పత్రికి తీసుకెళ్లాడు. డ్యూటీకి మించి ఆ పోలీస్.. చేసిన సహాయానికి నేను కృతజ్ఞతలు చెబుతున్నాను" అని ట్విట్టర్లో తెలిపారు సచిన్.
తాను ఆ పోలీస్ను స్వయంగా కలిసి కృతజ్ఞతలు చెప్పినట్లు సచిన్ చెప్పారు. ఇలాంటి వారివల్లే ప్రపంచం అద్భుతంగా ఉందని ప్రశంసించారు. ఈ మేరకు ట్రాఫిక్ పోలీసులందరినీ కొనియాడారు. ప్రజలంతా ట్రాఫిక్ రూల్స్ పాటించాలని, షార్ట్కట్స్లో వెళ్లొద్దని సూచించారు.
ఇదీ చూడండి:Ganguly on Sachin: టీమ్ఇండియాకు సచిన్ సేవలు.. గంగూలీ హింట్!