Sachin New Loook: టీమ్ఇండియా క్రికెట్ దిగ్గజం.. మాస్టర్ సచిన్ తెందూల్కర్ కొత్త గెటప్లో కనిపించాడు. తన సోదరుడు నితిన్‌ తెందూల్కర్ కుమార్తె పెళ్లి సందర్భంగా సంప్రదాయ దుస్తుల్లో మెరిశాడు. గోధుమ రంగు షేర్వాణీ ధరించిన సచిన్.. ఎర్రటి తలపాగాతో రాజవంశీయుడిగా కనిపించాడు. ఫేటా పెట్టుకుంటున్న వీడియోను సచిన్ తన ఇన్స్టాలో పోస్ట్‌ చేస్తూ.. వెడ్డింగ్‌, షాదీ సెలబ్రేషన్‌ అంటూ హ్యాష్‌ ట్యాగ్స్ జత చేశాడు. దీంతో ఆ వీడియో సోషల్ మీడియాలో వైరల్గా మారింది.
ఇక సచిన్ పెట్టిన పోస్ట్‌పై టీమ్ఇండియా మాజీ ఆల్‌రౌండర్‌ యువరాజ్‌ సింగ్‌ సరదాగా స్పందించాడు. సచిన్‌ను టీజ్ చేస్తూ.. 'ఓయ్‌ సచిన్ కుమార్‌.. హే' అంటూ కామెంట్ చేశాడు. ఇక సచిన్ అంటే తనకు ప్రత్యేకమైన అభిమానమని యువీ చాలాసార్లు చెప్పుకొచ్చాడు. 2011 వన్డే వరల్డ్‌కప్‌లో ఆల్‌రౌండ్‌ ప్రదర్శనతో భారత్‌కు టైటిల్‌ అందించిన యువరాజ్‌ తన గెలుపును సచిన్‌కు అంకితమిచ్చి.. 'ఇదంతా సచిన్ కోసమే' అంటూ పేర్కొనడం అప్పట్లో వైరల్గా మారింది.